تعنيتك
جيت انته والعميان صاحو أجه الصاك
****
****
تعنالك گلب مضنوك ظل بعازة الملگه
وتعنالك صدرمخنوگ بيه عبراته مختنگه
تعنالك جرح فشلان مايصبرعلى الفرگه
وتعنتلك بگايه الروح اجيت بروح محترگه
اجيتك شاعر ومشتاگ
يقرالك اشعار وماعجزحلگه
لخليهه القصايد بابك اتدگه
وتنده گلبك الغفلان يلماجاستك حرگه
لاتذكرعشرتي وياك
لامثلي يندهك شوگ تفز وثوبك تشگه
تعنيتك طفل بالعيد بمرجوحة احضانك رادك تشبگه
لگيتك باردالوجدان
راكب مهرة النسيان
تدوس الماضي وتسحگه
اجيتك طيرضدالريح
تك جناح
ارفرف بيه
كله الخاطرالملگه
وصلت البابك المفتوح وانته بوجهي تطبگه
غشيم انه وتعنيتك ضنيت بحنانك گلبي تغرگه
وتعنيتك غريب بعازة الملگه
يتيم ودمعته تسبگه
أح الكعبي مد...
رد مع اقتباس
رد: تعنيتك
المشاركة الأصلية كتبت بواسطة foraten.net/?foraten.net/?foraten.net/?foraten.net/? الكعبي
