ادك الباب كلبي يصيح مشتاك

[سامي المشكور]

حـزينة الروح مـن فـركتك ياهـواي
يـمرهـا اللـيـل مـهـمومـة بغيـابـك

ياخذني اشتياكي وكلـبي يهـواك
تـرد روحـي الحـزينة اكبـال بـابـك

ادك الـبـاب كـلبي يصـيح مشـتاك
اشـوفـنك تـجي وتحـضن احـبـابـك

تـسـألنـي بـدمـع سـاعات الـوداع
شـجابـك هـالـوكـت كـلي شجـابـك

روحـي الخضرت من مرها طاريك
سـنـيـن بضـيم مـدفـونه بـتـرابـك

ماظـلـت بـالجسـد مهـجة ولا روح
يكـفـي اجـروحي تـلجمـهه بعتـابك

الله روووووووووووعة كلمات رائعة كروعتك يامبدع تحياتي لك مع كل الود

[سامي المشكور]

فاتن الرائعه
انتي الاروع
شكرا لمرورك الدائم
لك خالص الموده

[شاطئ السلام]

تلعب على جروحي
وتضحك ومرتاح
وآنا بطيبة كلب
احمل جراحاتك
واضح وي غيري
وغامض انت وياي
اتمنى آنة غيري....وأحوي ضحكاتك
بس راح آني أعوفك وأنشغل بالروح
وماتلكى من يمسح غيري دمعاتك

[سامي المشكور]

اميرة الروح
شكرا للرد الرائع
لك خالص الود

[ابو ابراهيم الخزرجي]

حـزينة الروح مـن فـركتك ياهـواي
يـمرهـا اللـيـل مـهـمومـة بغيـابـك
ياخذني اشتياكي وكلـبي يهـواك
تـرد روحـي الحـزينة اكبـال بـابـك
رائعه كلماتك كروعة العاشق الذي ينتظر تحت المطر وهو ينتظر الحبيبه.تبلله زخات المطر وهو منتشي وسعيد ويصبر على الجروح .تقبل مروري على متصفحك

[سامي المشكور]

ابو ابراهيم
اخي الغالي سلمت اناملك
مرورك رائع جدا جدا
لك خالص مودتي

[الصابرة]

عاشت ايدك ودمت بهذا التألق كلمات بغاية الروعة