الطـــــــائـــــــر الجــــــــريـــــــــح

[محمد عبود العبودي]

آنه طير وما صفك جنحي بسماي
ولا بكاع الله كدرت انكل رجل
وكتي حاربني اعله ريش السبكات
وحطلي رجليه الزمان بتك حجل
عيب تزحف كالي وفنك تطير
وصعبه كلي جناح وأسحل بيه سحل
شال زادي وعلكه بعش الصكور
وكلي لو موتت صكر لو عيشه ذل
وآنه كلما حاولت أتشلبه أطيح
وأسمع لدوية وكعتي تصيح حل
خلصت عمري مجازر أمنيات
شما كلت هاي أتحقق تنكتل
حتى جنح الليل مايقبل يطير
والشمس غسلت وجهه بجف كحل
وعيني ظلت شابحه وتربي لسماي
لاسرب يرجع ولا يلتم شمل
والهواجس صارت فراشي وغطاي
بهيج موقف ياهواجس تنحمل
سهله عندي الموت لو آن الآوان
أنتظار الموت هو المو سهل
من أجه الصياد كتله هنا تعال
وشالني وبعيونه جن فرحة طفل
تلمس عظامي بدينه القاسيات
وذبني كال شبيك باقي وينوكل

بقلمي
محمد عبود العبودي

[سامي المشكور]

اخ محمد كلمات رائعه
تقبل مروري

[الشايب العراقي]

دام لنا هذا العطاء دمتم بخير
تقبلو مروري البسيط مع تحياتي و امنياتي

[محمد عبود العبودي]

اخ محمد كلمات رائعه

تقبل مروري

سامي المشكور
جل احترامي لك
وتقديري اللامتناهي لك
ولروعة مرورك

[محمد عبود العبودي]

دام لنا هذا العطاء دمتم بخير
تقبلو مروري البسيط مع تحياتي و امنياتي

ودام لي هذا المرور العطر
اخي الغالي
تحياتي لك وودي

[الشاعر يوسف الذهاب]

سهله عندي الموت لو ان الاوان
انتظار الموت هو المو سهل
محمد عبود العبودي دام لنا ابداعك
قصيده غايه في الجمال