احاسيس الحب

[ابو ابراهيم الخزرجي]

شوصف بيج وبيا كتر اتبحر++
بعيونج الحلوه بنضراته اتجمر++
لو ايدج الترفه تلزمني اتكهرب واتخدر++
شعرج الاسود يتطاير وكلبي يتحسر++
وخصرج من اشوفه اوكع اتعثر++
غزال بدم الكلب يمشي يتسفر++
شوصف بيج وجهج الجذاب الاسمر++
لو شفتج تتلاعب بروحي بلونه الاحمر++
ما عرفنه انت من يا طينه انخلقتي ويا حجر++
ادري بكليبج معذبه ومهمومه ليلج سهر++
فكرج يودي ويجيب ويحلم بلا اثر++
ساعات الروح بالحلم تتأثر++
افراح وعرس وجكليت علدرب مطشر++
وبسمه علشفايف من تفز تتكسر++
تلملم اجروح الناس وتداوي وجرحك مطرر++
ذب حملك على اجتافي عليه آنه اكدر++
اداوي جروحك بخيط المحبه بلونه الاخضر++
واضمدك بلفاف روحي وجلماتي العنبر++
اصعد للسمه اجيب الغيم الك يتمطر++
كاعك الراحت تجف بالمطر تتخضر++
ورد وياسمين وجوري احمر++
شتريدين اسويلج وعليه اكدر++
انت ورده وجهج من الكمر منور++
شوصف بيج وعندي الوصف اكثر++
جاوبيني الحلم مره وحده مايتكرر++

يسلمو الروعة
أبو ابراهيم
وصف رقيق للمحبوب
فى ثوب الغزل العفيف
ننتظر منك المزيد
من هاى الأحاسيس
الصادقة
دمت بكل الود

[عقيل كريم الشويلي]

الأخ ابو ابراهيم
كلمات جميلة ومعبرة
غزل رقيق ورائع
دمت بهذا الأبداع
خالص تحياتي

[ابو ابراهيم الخزرجي]

شكرا لكم يااحبتي ويا لاحساسكم المرهف تجاه كلمات صاغها قلبي وانتظروا المزيد انشاء الله

[الشيخ ابوحيدر]

قمه في الذوق والروعه

تحياتي لاتنقطع وودي يسبق

ردي دام الابداع والتالق

تحياااااااااااااااااااااااااااااااااتي

[ابو ابراهيم الخزرجي]

شكرا لك وتقديري لحضورك الالق
تحياتي