محاوره شعريه
همل ماهمل جفني اعليك ماقط
وعلى فركَاك اموت ابغير ماقط
عودي الجان فيصل اسن ماقط
وهن والداريات اكَطعن بيه
قال عادل المنصوري
همل والهمل شحم العين موماي
وكَمت امشي وعليَّ ابنان موماي
ارضعت وياي صافي اللبن موماي (مو مج)
شجاك وتشن يالذاتك وفيه
قلت
همل واهمل سواد وصبغ شبجي
جفني وشبكَه بالعين شبجي
انصدت واللف عليَّ احبال شبجي
اخوي الماحسبته ايخون بيه
فأردف عادل المنصوري قائلاً
زرّيت وعليَّ الفول زرّت
اورواشن الجت الدلال زرّت
رفت جرحي وعليه الثوب زرّت
وابد ماكَلت جفمن عمل بيه
فاجبته
اسنان ارماحهم بالضلع قطن
كَصن بس ماطريت الآه قطاً
آلم لصواب هان وآلم قطن
ابكَلبي وشوغه اله غدر الخويه
رد مع اقتباس
رد: محاوره شعريه
