روعة الابوذيات لعشاق الابوذية

[ام افنان]

يناري حيل اضرمي وشعلينة
ومن حجي العذال وشعلينة
عسى الحوبة ورا الوش علينة
فرك روحين جانن سوية



يادنيا شكثر من الهم شاف كلبي
بيدج دفتر همومي وكلبي
شكثر يسأل عليك كلبي
شاهد دمع العين وصفار الوجه بية


اريد اسوي دوا للكلب واسمة
كاتلني طول الحلو واسمة
حلفتك لاتذكر شي من اسمة
تراه الروح من ترد لية

ياكلبي ولا شخص عانك وجارك
ولاواحد عرف علتي وجارك
يعني شيصير لو صرت جارك
واشوفك كل صباح وكل مسية


انا المايوم خل وياك خليت
شجاك وبالظهر سجين خليت
شعندي وشبعد ياترف خليت
صفة حت البيدي هم مو الية

طبيبي ماتجس النبض شمالي؟
غدت يمناي ماتوصل شمالي
انا الجنت لعذيبي شمالي
صرت شرجي وعلى الوادم اذية

[سامي المشكور]

ام افنان الرائعه
ابوذيات جميله
شكرا لك

[ابو فاطم]

مشاركة جميلة ومميزة ام افنان
شكرا لكم اختي
وننتظر جهدك المميز معنا دائما
ولكم منا خالص التقدير

[حب ساره]

سلمت لنا اناملك الذهبية اختي الغاليه على الكلام الجميل والله انا اهنيكي اختي الغاليه على روعه ابداعك تهانينا لك دمتي لنا بخير ودمتي لمحبيكِ لاتحرمينا من جديدك المميز تقبلي تحياتي

[ام افنان]

اشكرك اختي العزيزة سارة ودامت عليك الافراح اشكر لك مرورك

[حميدالشيباني]

شكرالك أم أفنان على هذا الابداع أحسنت أتمنى لك المزيدمن التطور..بس عيوني ليش تسمين الكلب تره حرام....تقبلي مروري ولك خالص تحياتي

[ام افنان]

ههههههههههههههههه اشكرك اخي الشيباني اسمة لان هو السبب تحياتي لك واشكر مرورك

[حسام العراقي]

الله عليج ياام افنان كلمات جميلة
وفي غاية الروعة اتمنا لك الابداع