بقلمي--نذكركم---قصيده غنائيه
-نذكركم-
نذكركم اذا----- احنه انسينه
سكنتوا بالقصر-وحنه البنينه
تعبنه من المسافت
ناس اعله الثريات
وناس بلا درج صعدو علينه
===
چنه بليلكم------ مثل القناديل
نكرتونه الصبح من خلص الليل
احنه هم رفضنه
وثرنه ونتفضنه
سجلتو الگعد-- وحنه انمحينه
=====
فرشتوا عيونه-- اتلحفتوا الاهداب
من طلعت شمس- سديتوا الابواب
صحيح الناس اشكال
بيهم راضي بالحال
وبيهم دنيتك---- ما تمله عينه
====
ابنگاع الوطن--- احنه الزرعنه
خذو محصولنه-- وخلونه جعنه
بارضنه الخير اشكال
لكن صعبه الحال
باگونه الظهر من بين ادينه
كلمات
ناصر اسماعيل الموزاني
رد مع اقتباس
رد: بقلمي--نذكركم---قصيده غنائيه
المشاركة الأصلية كتبت بواسطة حب ساره
