ابوذيات ولكن ......

عليك عيون حلوة وحيل وسعـة

اتعنى اعلى حبك دوم وسعـــة

حبيبي صدرك انه ارجوك وسعة

اريدة من الورد بستان اليـــــة

**************

انه وروحي نبقة اعليك بسمـــاي

ارويك ابعطش لوجنت بسمــــاي

تراه اسمك عذب موجود بسماي

واذوباً لو تصد عينك عليـــــــة

**************

كلبي ابنارة هيجني لحـــــاني

منك بالغصب كلي لحــــاني

واصير عود الك يعزف لحاني

ويبتر اوتاري يالحبك اذيــة

***************

يبتر اوتاري ريت انت شفتها

ويسال كلبي هم شايف شفتها

عليله الروح من شافت شفتها

واصيرا kenge اذا صارت الية

*************

كلب طيب اله كلبي استحالـــــــة

وعليه الروح تبعد ؟ استحالـــــــة

نخيت انه ادفعت عمري استحالة

يروح اعليه وين يجيبة اليـــــــة

عجيبة اشلون مايوم استحالي

صبح بذات يا وسفة استحالي

على كلبي يرد حبة استحالي

لان جذاب هم غدار بيــــــة

نساني الي سكن كلبي ولاحن

ورماني بجم سهم غدرة ولاحن

وعجيبة الكلبي اله غنة ولاحن

وبعد هيهات حبة ايعود اليه

رماني وماطحت لا منلحـــــاني

ورشكها جروحي بالهم منلحاني

يريد ونين يسمع منلحــــــاني

وعزف بجروحي من غصبن عليه

عزف بجروحي يوم الهم هوانـي

واكل لحمي عجيبة الحي هواني

منين الظلم من ينشد هوانــي

كتله انه يخوية وهـــــاي هيــة

ربح كل ضنه صادكَـ صار رايـــــة

الزمت جرحة ورفعته ابطول راية

اعصرت كلبي وكلتله انوب رايــة

وتمعن بالجروح بكل مسيـــــــة

[سامي المشكور]

القلب الاسير
ابوذيات رائعه
شكرا لك

[عنوني]

عاشت ايدك ابوذيات رائعه
تحياتي

[ام افنان]

اخي القلب السير ابوذيات قمة الاناقة والجمال تقبل تحياتي