ظلمة العمر ...

[جناتي]

احس ظلمه العمرلولحظه عني تغيب أضل أكل بروحي وانجوي بناري لأن أنته الوحيد وبس إلك أشتاك ولأن أنته الوحيد الشاغل افكاري لوتدري بغيابك بيه شيصير لوتعرف بكلبي شصار وشجاري
هلكد مابجيتلك نشف دمع العين وهلكد ماحجيتلك خلصن أسراري شكثر مرو عليه الناس يسألون لكن تختلف لوأنت بلطاري شأكتبلك بعدماظل حبر بالروح كتل روحه القلم وأنتحرت أشعاري

الرقيقة
جناتى
خاطرة رقيقة
برقة الندى
يسلمو روعة البوح
ننتظر جديدك
كونى بخير وأمان

[حسام العراقي]

ترجع ابد موشرط اعيش وياك

بدونك عايش انه وكلشي ماهمني

بعدك بجيت وصح ذرفت دموع

وصح العبره صارت حيل تخنكني

لكن مامتت بس حبك انت المات

هذا كبالك انه الضحكه رسمتني

عشت وياك مأمن ماعرفتك هيج

تنطر لحظه عينك ناويه تذلني

ليش بياسبب ؟؟ حاجيني صوتك وين؟

برر كل جريمة شوك ذبحتني

اذا تطلب جنت من روحي روح انطيك

واضملك عيني اخاف النوب تطلبني

جنت اسهر سهر ماعرف مثله الليل

اظل متاني صوتك حته يحضني

حرام شكد ظلمت جروحي بيدك هاي

اكلك فدوه كافي شبيك تظلمني

تضحك انت عادي ..وانه دمعي يسيل

رووووح الخاطر الله ارجوك فاركني

شسوي بحبك انه وانت كومة تراب

وبكلبك ملح ..ميفيد تزرعني

عزيزه دموعي ذيج النزلت بفركاك

يادمعي العزيز بداعتي اعذرني

وكلبي شكد ظلمتك ماقصدت أئذيك

خجلان انه منك فدوه صدكني

وانت ابعد عليه لوهسه اموت هنا

ما تانيك ابد خليك هاجرني

واذا كل جسمي صاحك حته أليه تعود

اترك جسمي انه وانهزم مني
اترك جسمي انه وانهزم مني

[عنوني]

عاشت ايدك جناتي
تقبلي مروري