الكلب ينبض حياة ..... بحبكم انتوا اهل الفرات
يريد يتغزل هواكم ..... من معاني ومو سواكم
الكلب ينبض حياة
اني شفت ورود من الماي تروة ..... وماشفت ماي اعلى حبكم صار ضامي
واني شفت شموع من الشوك تهوة .... وماشفت نور اعلى جنح الشوك حامي
وهم شفت بسمة غرام اشلون تكوة ..... تفوح تلتف ابعطرها الكل سلامي
الكل عضو من منتداكم .... صورة تتجسد لقاكم
بين طيب وبين ذات ..... ابحبكم انتوا اهل الفرات
منتدى الصورة النظيفة بارقى لوحة ..... وكلش اللوحة بسماكم هم جميلة
ونورت ليل الكلب من فيض جنحة ..... وتعزف الحان المودة بطور ليلة
بالهوة لو يهوة هاوي اتصير منحة ..... للعشك يسرج خيالة يصير خيلة
والخيال العالم الكم ..... هاي اوصاف التخصكم
وتصعد الكم هالصفات ..... بحبكم انتوا اهل الفرات
الناس تتوزع محنة بكل صبح ..... عدكم انتوا وانه هم محسوب شاعر
والشعر دولابة بيكم ينفتح ..... وهاي بيها احلى معاني ابهالدفاتر
انتوا تدرون الحقيقة تتضح ..... من جمعكم شوك باحضان المشاعر
المشاعر صورة بيكم ..... وانتور صورتها وتجيكم
وانتوا لميتوا الشتات ..... بحبكم انتوا اهل الفرات
اني اريد اليوم اخط احلى المعاني ..... الكم وما اوصل اصلا للاريدة
انتوا للموقع اساس بكل ثواني ..... وللتصفح صرتوا هم دمة وريدة
بالوصف غالين انتوا بكل تفاني ..... ومايصير الروح عالغالي بعيدة
انتوا غالين بفكركم ..... واضح بصكة عطركم
وكل حرف منكم نَبات ..... بحكبم انتوا اهل الفرات
@@@@@@@@@@@@@@@
خادمكم
foraten.net/?foraten.net/?foraten.net/?foraten.net/? رفيش