قصيده
الى من وضعتني وليدا
ونشئت بحضنها قصيده الى من علمتني الابجديه
وغرست بداخلي الروح الوطنيه
الى امي وكل ام عراقيه
امي
امي ماتبجي السبب واحد صريح
ورد اوضحلك سبب مضمونهه
لان شدتني دمع وصط العيون
وخاف تبجي وافلت من عيونهه
امي خبزت عافيه بحلك اليتيم
وباكت من الليل شامه وطرزت وجه الصبح
عفيه خلك امي مثل خلك النواعي
ومن تلولي ادكول ناي
بصوتهه يخضر جرح
امي طير من الجنوب تحوم يم شبعاده بواهس جنح
ونومت جسر النصر بجفوف اديهه
ومشطت شعره السرح
ولون وجه امي جذب مامثله لون
بلون شعر الناصريه الكاعه توضى بملح
ماتعرف الحقد بس تعرف تسامح
لان طيبه وكلب تملك ابيض وكلش سمح
بالقابل حقدت بدنيانه مره
ومن تسئلوني عليمن
حقدت اعله الرمح جي شال بالكف
راس مولاي الحسين
ولذلك كامت ولليوم تكره كل رمح
امي تحلف ببومعيشي الجان من يصفن
قضيه
ولوقفل بيت البذيه
وروح ابومعيشي بعد ماينفتح
امي ورده نشتلت بكاع الحضاره
السومريه
ودنكت يمهه المساحي ونزلت تشمهه الفلح
وكدرت طول امي شفته بطول غصن الامهات
بس احسه بطول ساريت العراق
وترفع امي العلم موبس الخميس
تسجد اعله نجومه كل سجده حضاره
ومن ترفعه
تنحني الساريته يوميه الصبح
امير السلمان
ســــــوق الشيـــوخ
رد مع اقتباس
