ومضه

صحبتنا ماتفترك مثل الجرف والماي
وبطبعك انت اصبحت مد وجزر وياي
مابيعك انا ابد ولصحبتك شراي
هم انت سمعت مره الجرف عاف الماي

مما راق لي

مع تحياتي

[شوك الشفايف]

مرات اشوفك ضوه..مرات اشوفك ليل
ومرات اشوفك وفه وتشد بكايه الحيل
يمعذب ارويحتي..بسك عليها تعيل
اعرف تشمني جرح..
بس آنه كل ما كبر ليلي أشوفك صبح
والكلب كلش وفي..
كل ما اشوفه نسه يرجع يحن للملح
اشكد كعدنه .. سوه
وشكد حجيبنه سوه
وشكد بجينه سوه
وكتلك ولك تنسي .. عشرتنه كاع وفلح
وانت الهوه ما خذك..
يلعب بشعرك لعب
والكذله جنها جنج
بالريح تلعب فرح
والريح لمن تهب
تاخذ وياها الاخف..
والاخف يعني الجذب
واليبقه يعني الصدك..
الفلاح مابي ذنب..
بس كاعك انت حطب..
والنار كلش دوت..
ها تكب ها ما تكب
طفيتها بدمعتي..
وتعرف بعد دمعتي..
شايفها لمن تهل..
كدامك اشكد مشت..
واشكد عمرها يذل
وكتلي تمل .. يا حلو ..وكتلك وحق الهوه البيناتنه ما أمل.
ومليت..ونت السبب..
مغرور تلعب علي..
ما تعرف ارويحتي..وك مني ما ينزعل
....
عدي فريد.

[ناصر اسماعيل الموزاني]

ماراق لك راق لي شكرا للذوق الراقي لك كل الورد
ناصر

[ام فيصل]

ومضة جميلة عزيزتي
سلم لنا هذا تالتذوق
وروعة الاحساس

لاحرمنا جميل اختيارك يافاتن

دمت بخير
مع تحياتي لك

تحياتي لك ياام فيصل الوردة وشكرا لمرورك
الراقي لك كل الود والحب