إجيتك بس نِفس مسلول
ومشـي ابريّـه مـخنوكَـه
كَلبـي من الـحنان البيه
تفطّرمن كثر شوكَـه
عله شفافـي الفرح ذبـلان
ومنوخه بـحزن نوكَـه

وروحـي من الـهظم والنـوح
شركَـ الخشب مشروكَـه
أبوكَـ الفرح من الآه
وجفوف الحزن من شفّتـي تبوكَـه
رهمت إعله الدمع والنوح
شلت دكان فرحـي
وعزّلت سوكَـه
دفنته بتربة الآلام
وجيت بروح محروكَـه
وعله راس الكَبـر خليت
شـمعة حزن طول الدهـرمعلوكَـه..