ضنون جذابه

[أحمد الكعبي]

تعيش بداخلي
وساكـن بالعيون
وبروحـي تبات
اومانسيتك
ذرّيتك ملح يحركَـ بالجروح
وسلّمتك الكَلبي وأمّنيتك
زرعتك جـمر
بين ضلوعي لـهّاب
تـحت راسي امننام اتوسّديتك
كلت كَلبي الضنون
اوبـيّ وسواس
خفت لتضيع منـّي
اوچـتّفيتك
برموشي اوطبكَت إعليك الجفون
إعله غـفله
افتحت عيـني ومالكَيتك
مدري انته ضباب
ودفعتك ريح
مدري آنه
بضبابك تيّهيتك
مدري انته الضعت
والفلك يندار
مدري آنه..
امنديّه الضيّعيتك
مدري انته..
الصرت ماي اوتبدّيت
مدري آنه بدمع عيني البچيتك
عميت أشلون أشوفك
وين ألكَـاك

..

وبصفنت خيالـي إتْلمّسيتك
سرحت اوذكرياتك
سرحت اوياي
ولون ماريد شخصك ما اجيتك
جسد وبلايه روح
أمشـي عله الكَاع
سحل جابتني رجليّه
إعله بيتك
يم بابك طحت ماحرّكت إيد
عله صدرك تضمني إستاهديتك
ضنيتك تـحبني ..
توفـي وياي
وتكتلك شوغتك لوفاركَيتك
بعد مازلّت إجدامي
بدرب ضيج
وبعد لاطاح حـملي
ولانـخيتك
حسّبتك تـجازي الطيب بالطيب
عني تضم وجهك مادريتك
أثاري الچان بيـني اوبينك أوهام
تـهدّم بيـتي
ونـهدمت ثنيتك...

[ابو فاطم]

ممتعة ورائعة شاعرنا الغالي foraten.net/?foraten.net/?foraten.net/?foraten.net/? الكعبي
شكرا لك على القصيدة الجميلة
سلم لنا ابداعك وعطائك
تقبل مروري
ولك مني اطيب تحية

[ام فيصل]

يم بابك طحت ماحرّكت إيد
عله صدرك تضمني إستاهديتك
ضنيتك تـحبني ..
توفـي وياي
وتكتلك شوغتك لوفاركَيتك
بعد مازلّت إجدامي
بدرب ضيج
وبعد لاطاح حـملي
ولانـخيتك
حسّبتك تـجازي الطيب بالطيب
عني تضم وجهك مادريتك
أثاري الچان بيـني اوبينك أوهام
تـهدّم بيـتي
ونـهدمت ثنيتك...

هطول حنين وشوق
كقطرات مطر عمياء
اصطدمت بلحظات الهجر والقطيعة
وروح ُ عالقة
في تنهدات وجع
قلم ٌ رسم الإبداع
وكتبه بإحساس جميل

للكعبي
الف تحية

[أحمد الكعبي]

foraten.net/?foraten.net/?foraten.net/?foraten.net/? السالم
باقاتي ورد هدية تليق بكَ وبتواجدكَ العبق
جزيل الشكر لك على حضورك

[أحمد الكعبي]

أم فيصل
حياكِ الله
ولاحرمني من حضوركِ المميز الذي يزين المكان ألقاً وخيرًا
اسعد الله قلبك الحانى
لك خالص تحياتى وامنياتى

[ناصر اسماعيل الموزاني]

كلمات في غاية الروعه والاتقان لك كل الورد
اخوك ناصر

[أحمد الكعبي]

ناصر اسماعيل الموزاني
مرورك أضاء متصفحي
لكَ ودي

روعة وعاشت ايدك لك مني ارقى التحايا