اصـوات السكـــــــــوت
ارتشف شربه ألم
علني اسقي الجروح
الجروح البيه عاشن
جروح شاعر من وكَف عنده القلم يكتب قصايد
وكام يتمنى القصيده
من تجيه الناس تسئل عنه وشكاتب جديده
هكذا هي الحياه
في عراق الامنيات
ينهدم بيت القصيده
عندما تنعئ العراق
في وطن يملك مشاعر
تعالت اصوات السكوت
خاف يحجي الي جراله
يسولف بهمه ويموت
العراق الصار شاعر
شاعر ويملك قلم
ومنه حرف القاف طاح
استبدل من الالف الفاً
حتى لا ينسئ الألم
احنه بي لازم نعيشه
واقع الحال المرير
واقع البي (امي) بعده
وبعده ما يملك شهاده
يحكم وصاير وزير
واقع الثعلب هذاك
الماكر برسم الخداع
يختلق صوت الزئير
حتئ لا تأتي الذئاب
يمه وتساعد ضرير
واقع البي هسه صار
الكَنفذ وجلده المقزز
استبدله ويلبس حرير
هكذا دنيا العراق
بيها خطوات الامل كلش قليله
لا اقل من القليله
لأن الشفت الامل يبجي
كَاعد يدور امل
ولأن شفت العمل كاعد؟؟؟؟
يدور وما يلكَه ليش
بلوطن فرصه عمل
لأن شفت الألم يشكي
من الألم صاير ثمل
في الليالي المضلمات
كَاعد ندور نهار
يا نهار
وعدنه حته النجمه تطلع بلنهار
واحنه بي شفنه الحرامي
اليختل بليل السواد
يفتخر لابس نهار
الا نخجل
الا نستحي على انفسنا
عدنا دين
ننتضر ونكله عجل
يفترض
نكله أجل
ليش طالع
هو مو كاعد يباوع
الملاهي الفتحت يم الجوامع
الاطفال العلكوها اعله المدافع
الرذيله الزينت كل الشوارع
الخطيئه الدخلت بكل المسامع
الارامل
المزابل
المعاضل
احنه في قفص
اسمه العراق
ماتت اصوات البلابل
عاشت اصوات القنابل
القنابل
الدكت بباب الاذن وكت الصبح
تكَلي يلمجروح ما رايد جرح
خل نعيد الدنيا كلها
ونبدي من جده وجديد
بالامر لازم نعيد
من نشوف الفقره تحكم
بلفرق ماكو عبيد
ومن نشوف الشارع اخرس
ما يصيح علجهال
الجهال الكاعد تبيع الجكاير
ومن نشوف احنه الجهال
تبقه بس بس بلمدارس
بلوطن من نخلي حارس
يحرس الدنيا من اهلها
كافي
خل ترد ذيج التحيه
البينا ثبتها الرسول
السلام
السلام نرده لاحضان السلام
من نشوف الموت يرحل
ويصرخ باسم الحياه
من ترد الفطنه تحكم
ويحكم اصحاب العقول
من نشوف احنه المعاصي
يمنعوها من الفتح
ومن نشوف احنه الجوامع ما تعزل للصبح
عندها
يا مسلمين
نردد بهذا الشعار
يلله يا مولاي عجل بلفرج
مودتي
عمرالعزاوي
رد مع اقتباس
