قصيده ( امنيات أطفال )

(الى كل طفل استعرض امنياته امام الارصفه)

امنيات أطفال بالشـــــــــارع لكيت
اتناشد اهل الخير وعيون الشريف
انريد زولية سمل يهل القصــــــور
الدنيه حر اوحيل يجوينه الرصيف
احنه مانحلم بالنساتل والحــــــليب
احنه نشبع من تمر صورة رغيف

واحنه مثل الناس لكن مكن نجوع
خـــــــــبز مانحتاج نشبع بس قهر
عدنه هم الدنيه كله ومانـــــــشيب
هيه اصــــــــلآ روسنا ابلايه شعر
واحنه مكسورين خاطراي صحيح
وراح اكولك ليش خاطرنه انكــسر
احنه ابونه اوامنه طابوك الرصيف
وانصبو عبوات وابطوله انفجـــــر

احنه عشنه العمر جيران المــرور
ابكل تقاطع من تمر اتشــــــــوفنه
لو ورد لو ماي لو حب وبخــــور
وغير ذني ماتشيل اجفـــــــــوفنه
واحنه نملك بالوطن اربع حروف
كلمة امجدي التلم احـــــــــروفنه
كلمة امجدي التلم احــــــــروفنه

الشاعر كاظم علي جازع الركابي
ذي قار قلعة سكر

[عقيل كريم الشويلي]

الشاعر المبدع................
لن اكتب كلمة مديح ولكن اقول بكل امانة
صفقت بكل حب لهذه الرائعة .........
تحياتي

[الشيخ ابوحيدر]

حبيبي بصراحه قصيده قمه بالروعه
ولاتتعجب من قلة الردود لانك
وبصراحه لم ترد على بعض الاخوه من
الشعراء لكي يجاملوك في الرد فهذا
امر طبيعي يالغالي
ولاكني لم استطع المرور دون ان اترك بصمتي
لتقول اني كنت بقرب هذا الابداع
تحياتي الشيخ

الشيخ ابوحيدر وعقيل كريم الشويلي


أشكر مروركم الجميل وشرف لي أن أعلق هذه البصمه
على جدار منزلي كشهادة حب وامتنان من جنابكم الكريم

[يحيى الحميداوي]

روعة روعة روعة ....
قصيدة في قمة الالق ....
شاعر متمكن .....وحرف رائع وفكرة كانت في غاية الروعة
دمت ودام قلمك النابض ........تحياتي

ايها الركابي كم اعشق هكذاا شعرا يتناول ماسي الغير فالشعر رسالة فلقد تناولت ظاهرة بجمال ابياتك وسلاستها شكرا لك واطمع بالمزيد