انسى ياقلبي العتاب

[عنوان الحنان]

عاتبتهم والك نيه النوب ياقلبي تجي ابحفنة عتاب
وانت مصلوب ابهجرهم لا سؤال ولا جواب



زرعت الوادم وحصدت واحنه حاصدنه التراب
وبعد اجيهم ؟ بيش اجيهم؟ بالدموع السود لو هذا العذاب

بعد شمخلي هجرهم بس عمر وبلا شباب
صحنه يالما شين حنـّـوا خلافكم هالعمر شاب

محد بعينه زركًـنه ولا اذن ردها المصاب
لا نه ليلي ليل واهجع لا طعم للزاد عندي ولا شراب

ضيم والشوك اليهزني منين ما التفت باب
آنه قلبي المارحمته امن العتب فد يوم ذاب

عـلـّه والمصيوب هم يتداوه ويكَـولون طاب
وآنه ذاك آنه على علتي اغفه وتوسد عذاب

يارفيف الشوك هـّود بعد ما بينـّه عتاب
هدنه نتنفس اعذيبي وهذا من حكً الشباب

مو حرام الشوك ينشم والورد حدر التراب
مو حرام البلبل محـّوط بقفصه وبالسمه يطير الغراب

بعد ماينفع عتاب.. انسى ياقلبي العتاب



0000منقول00000

قصيدة جدا جميلة شكرا يا مبدعة على النقل

[عنوان الحنان]

الشكر الك لتنويرك صفحتي

الله الله على الكلمات الجميلة والاختيار الاجمل ؛؛عاشت الايادي حبيبتي الغالية
واتمنى من الله ان يسعد قلبك ما حييتي ...

[الشيخ ابوحيدر]

ذوق قمه بالروعه
يالغاليه تقبلي مروري
المتواضع