والله وكت

ما عاجبك اني اصبحت ..والله وكت..
هسة ما افيدك صرت.. والله وكت ..
كولشي بيدك صار هسة جايني واتكولي انسة
ياما بدروب اكعدت كلمة من عندي ردت ..

والله وكت ..
تذكر يوم اللاكيتك اشصار بحالك من حاجيتك
ممصدك اني احجي وياك
جنت اتكولي وابد متفاركني بيوم
صاير ظلي هسة اني اكبال عينك
اسوي نفسك ما شفت .. والله وكت ..
تتقصد من اتكلايني وادور حتى اتحاجيني
هسة اتكول الوضع اتغير مو ذاك اني ولا جنك ذاك انت الجيت وتترجاني
.هسة اني اكبال عينك اتسوي نفسك ما شفت .. والله وكت ..والله وكت..

مماراق لي

مع اجمل تحياتي

[خالد الفهداوي]

عاشت ايدج قصيده جدا جميله
تقبلي مروري مع التقدير
الفهداوي

[شوك الشفايف]

لا والله وكت من تحچـي هيچ وياي..
لان كتلك صبر حسيت مليتك
أنه مناغي الكمر ونت بحضن كاروك..
ومن فتحت عينك علي دليتك
شني انگلبت الدنيه من كلتلك روح..
گتلك روح بس متروح خليتك
انه لوما محبتك ساكنه الدلال..
چـا ما جبت روحي وگابلت بيتك
اتذكر نعم من شفتك احتاريت..
وصح عقلي انسطر من بيها لاگيتك
گلبي احتار صح اتكيف المفروض..
والمفروض تفرح لان حبيتك
ياهو اليوصلك ونت بقصر هارون..
واآنه بكل صلافة شوگ طبيتك
وراهنتك گلت تتعب گلتلك شوف..
ركضنه وباخر المركاض خليتك
تحطني ويه البشر لمن تعد صحبان..
وآنه ابنص بيابي العين حطيتك
وشلتك من بيابي العين خاف اتطيح..
خاف الناس تدري بگلبي ضميتك
واطلعك ما اطلعك ها واخاف تضيع..
ها من عيني اغار وها شتاگيتك
ها ذاك الدمع ليهسه فوگ الگاع..
ماينشف وانشفه ونهر بديتك
لؤ لؤ جمعاك الله بحضن محار..
بمحبه اتطشرت وبحرگه لميتك
جوري وماشفت منه وتعبت اسنين..
امشبه ياعطر ها وين شميتك

قصيدة رائعة الجمال
اشكرك كتيرا

[الشيخ ابوحيدر]

الله ايتها الرائعه
لك ولجمال هذا الاختيار
اقف واصفق تحياتي لكِ
لاتنقطع
كوني بالف خير
يالغاليه

[يحيى الحميداوي]

ذوق جميل وأختيار رائع ...
سلم الابداع .......تحياتي

شكرا لمرورك ولك مني ارقى التحايا

الله مداخلة جميلة قمة الروعة تحياتي لك ياشاعرنا المبدع عدي فريد مع كل الحب والود