قصيده لا تتعجب بدنياك

[سلام الدراجي]

لا تتعجب بدنياك كلشي أتشوف

القائد من يكع أعداءه هيه أتفوز

اجمع ما تلم غيره وشرف عندك

وبساعة سطو غيرك جمعله أكنوز

منجل حاد بيدك والثمر للغير

وألحظه عدل يحصد له جوز ولوز

تفوز أنت عليه مو مشكله من اخسر

واخسر لو شفت غيرك عليه أيفوز

الفتح روم وفرس يلعن على المنبر

وبكبره يزار الزاني ابن فيروز

ابماطور الدفع ما يصعدنه الماي

وعند أهل الجوار الماي يصعد توز

حواري النبي ضرغام بالإسلام

وبطعنه غدر أيكتله ابن جرموز

المهرة أتحك ظهرهه تريد هم خيال

والخيال يبچي ويشتكي من العوز

بحجارة الغشيم أيصيب بيه أعيون

وما أصيب الاريده وبيدي سهم وگوز

جرح ما بيه شهيد شفنه وأبو سليمان

على فراشه يموت مطعم ومغروز

تسبح متعرف ممكن حبل تشمر

وتنقذلك طفل يصبح رئيس أيجوز

مو كل رأس ينحز شبه رأس أحسين

ابن مرجانه أيضا رأسه هم محزوز

على الجيد الحبل يضحك ولا مهتم

والشد الحبل خايف تره ومهزوز

إذا شفت الثعالب تلعب افهم زين

مع اللبوه الأسد متواعد ومحجوز

بالكافيار يفطر واحنه عدنه أيتام

ما نلكه الحليب جفت أضروع اعنوز

تنطيني العصيدة وانه أبو الأسنان

وألما عنده سن يوميه يكسر جوز

عيد أضحى وفطر عدنه احنه بالإسلام

وريسنا يروح يعيد ابنوروز

الدكتور

الشاعر

سلام الدراجي

[الشيخ ابوحيدر]

تحياتي لك اخي ولمدادك الراقي
سبحان الله دنيانه تمشي بالمقلوب
لك من القلب جبال الحب يالغالي
ربي لايحرمني هذا المداد الراقي
كن بخير لاكون

[خالد الفهداوي]

تسبح متعرف ممكن حبل تشمر
وتنقذلك طفل يصبح رئيس أيجوز
مو كل رأس ينحز شبه رأس أحسين
ابن مرجانه أيضا رأسه هم محزوز

تسلم دكتور ابو حيدر رائع ما باح به قلمك الواعد
اتمنى لك المزيد من التالق
اخوك
خالد الفهداوي

والله صحيح شاعر ودكتور
عاشت الايادي على هذه القصيدة
تقبل مروري

[ام فيصل]

مو كل رأس ينحز شبه رأس أحسين
ابن مرجانه أيضا رأسه هم محزوز
على الجيد الحبل يضحك ولا مهتم
والشد الحبل خايف تره ومهزوز
إذا شفت الثعالب تلعب افهم زين
مع اللبوه الأسد متواعد ومحجوز
بالكافيار يفطر واحنه عدنه أيتام
ما نلكه الحليب جفت أضروع اعنوز
تنطيني العصيدة وانه أبو الأسنان
وألما عنده سن يوميه يكسر جوز
عيد أضحى وفطر عدنه احنه بالإسلام
وريسنا يروح يعيد ابنوروز

الله عليك يبو حيدر
وعلى هذا المداد الناطق روعة وحقيقة وواقع حال
كم اشتقنا لهذا العنفوان والأعصار الذي تتسلح به كلماتك دوما

شكرا لك
وسلاما لهذا الحرف النابض والكلمة الحرة أيها الحر

مع تحياتي وتقديري

تثبت القصيدة لروعتها

[سلام الدراجي]

تحياتي لك اخي ولمدادك الراقي

سبحان الله دنيانه تمشي بالمقلوب
لك من القلب جبال الحب يالغالي
ربي لايحرمني هذا المداد الراقي

كن بخير لاكون

صح والله شيخ دنيانه تمشي مكلوب
شكرا لكلماتك الرائعه بارك الله بك وحفظك من كل مكروه
تحياتي مع الاحترام
اخوك د\سلام الدراجي

[شاكر الهلالي]

نعم ليس بالعجيب أخي العزيز

فالدنيا متقلبة باحوالها

أحسنت وتسلم الأيادي دكتور سلام

تقبل أحلى تحياتي ودمت مبدعا ً 0

[همسة ولاء]

مو كل رأس ينحز شبه رأس أحسين
ابن مرجانه أيضا رأسه هم محزوز
على الجيد الحبل يضحك ولا مهتم
والشد الحبل خايف تره ومهزوز
إذا شفت الثعالب تلعب افهم زين
مع اللبوه الأسد متواعد ومحجوز


ما اروع ما ابدعت اخي الفاضل
تحيتي للابداع قلمك
وننتظر جديدك
تحيتي