شعر في الحب واجمل ما قيل فيه

على عيونك رسمت العالم اشواك


وخيطت النظر برموش خارطتك


كالولك حلو ما انصفوك الناس


على مقدار نظره الناس فاهمتك


بيك انت الجمال اشكال وانواع


ومثل جهل النبوه الغشمه جاهلتك


عالم مجتهد يحتاج للتفسير


ويشكل عالكلوب الفقط عاشكتك


لازم دوله عندك بيها الك حراس


والمفروض جنه اتصير عاصمتك


تحت جدمك هوه يبوس بطرف رجليك


عفى كلب الارض وشلون شايلتك


ما انكر جمالك ايه في كل حال


وشكد مؤمنين بدقه حافظتك


لاتعتب عليه فاقد التركيز


ومن شدة جنوني شكثر حذرتك


كبلي هواي بس محد كدر يقراك


ما فهمتك هاي الكبلي دارختك


نغمة سكتتك صوتك

[مجتبى القباني]

ابدعت يامبدع
بين احظانك اترك باقات الورود

كلمات من ذهب وبوح جميل وهمسات في ارقى معاني الحب
مودتي واحترامي

لك التحية على ما نثرت بيننا من عبير رائع

يسلمو عذوبة سنفونيتي على هذا الشعر الجميل اتمنالك التوفيق