هاي يالسياب محسوبه عليك...

[شوك الشفايف]

كون تعرف شنهو معناها الأديب ....


چــا صرت گمره وتلالي بهالتك


آنه دكتور وخبير بهالحياة ...


ومو خطيره ولا تتعب حالتك


داخل بأسمين تلعب ويه شوگ...


ونت حتى اسم الصدگ مو مالتك



آنه كوسج ما طحت والمي شحيح...


مو فخر من تجي وشايل فالتك



آنه بحر الشوگ وچـــفوفي تفيض...


يصير اعطش ورتوي من وشالتك



هاي يالسياب محسوبه عليك...


وگــوم شگ الزيج يا قباني



شحچي للنواب وأنه المعتنيه...


شايل جروح الهوه بوجداني



شرد اگل للناس من تعتب شگول...


انباگ شعري وتيهيت اوزاني


صافن بوجها وشوفنه يبوگ...


چــــــا يگلبي بسكتتك شمتاني


الما يغزر بي ملح لا تشتريه..


ولك من هاي الصداقه شجاني



يا صديق الجنت احسبنك صديق...


روح صادق غيري واحد ثاني


...............

عدي فريد..

22\1\2011