تعال انكًلب التاريخ

[هدار سامي شياع المنصوري]

خير الحجي الينحجي نبديه بالبسمله
ومستحب ختم الحجي ننهيه بالحوقله
واحنه نطرز الحجي بالمستهل واوله
بالف الصلاة اعله النبي وآل النبي وكل هله
000000000
صلو على محمد وآل محمد
تعالوا نفحص التاريخ وفنونه
وتعالوا انميزه ونفرزه ابمكنونه
تره التاريخ مره ايتيه باقلام اليكتبونه
ومره الصدكَ بيه ايضيع من كثر اليدونونه
وكثره من المصادر عنه مدفونه
وكثره اتشوهت عمده ابحقد تدرونه
وهو مثل العجوز العارفه ام افلان
من جابوا صخلها امجلب اكَرونه
وشنهي جارتج وي اليصيبونه
كَصت راسه اول فال00
تالي كسر هم كسرته الملعونه
حقوق الطبع محفوضه وكتب مضمونه
تره حبل الجذب ياناس يبكَه اكَصير
اشما وصلوه وشما يطولونه
لازم ينكشف زيف الحجي المكَلوب
ربك ينصر الحكَ واليعرفونه
واليحجي الحقيقه الف خيعونه
الصدكَ نور الوجه ياناس والساعات مرهونه
المنخل مايغطي الشمس
والتاريخ جا بيمن تغطونه
اهو مثل الشعاع الساطعه انواره
وهاي الناس تفهم كلشي تحجونه
ولكم هاكثر سووها خد وعين
سدو الباب بس فكو الرازونه
عفيه خوف ومراجف اوعفيه اطماع
خويه المارضه بالموت خل يرضه بالصخونه
شويه نصفوا التاريخ
موكل السوالف تضل مدهونه
ولكم ذاك اهو الباطل
الناس امفتحه وانتم تغمضون مثل بوكَة البزونه
ترى التاريخ يبقه واهله موجودين
وترى منكم صبرنه انترس ماعونه
اجه وكت الحجي المطلوب
واجه وكت التغربل يالتغشونه
خنصفي المخربص عاد خلونه
البشر لوما يشوف الدرب هذا امنين
ارجوك البشر جا شله بعيونه
ارجوك البشر جا شله بعيونه
000000000000000
تقبلوا تحيااااااااااااات هدار المنصوري
وارجوا ان تنال اعجابكم

[امير الربيعي]

سمح لي ان اتقدم بالشكر الجزيل
لشخص الفاضل
على احرفك الذهبية
وكلماتك الرائعة
دائما مميز بالطرح والاختيار
تحياتي

[نهاد محمد خزعل]

تعالوا نقلب التاريخ


استوقفتني العبارة


شكرا لك

[هدار سامي شياع المنصوري]

اتقدم بالشكر الجزيل للاخ الفاضل
امير الربيعي على رده الجميل
وعلى تواصله المخلص
ودمت اخا وصديقا
تحياتي وسلامي لك

[شوك الشفايف]

البشر لوما يشوف الدرب هذا امنين
ارجوك البشر جا شله بعيونه

رائع وجميل يا مبدع لك حبي..
يا غالي..

[ام علاوي]

الله عليك يارائع
قصيده فيها عبر كثيره
شكرا لهذا السيل المتدفق
لاتحرما جديدك اخي
لك ارق تحيه

[هدار سامي شياع المنصوري]

الاخت نهاد محمد شكراً لمرورك الغالي
ولك مني ارقى التحايى والسلام
وكثير من الاحترام

[اشجان]

صلاة الله وسلامه عليك ياحبيب الله محمد

أخي هدار نادرا ما أقرء اللهجة الراقية لأنني أجد صعوبة بفهم بعض كلماتها لكن لا يمنعني هذا أ أنهل منك ومن الفراتيين أصولها

شكرا للدعوة ودمت معطاءا

تقديري