سألت العارفه بقلمي

[محمود شاكر الهلالي]

نحت وعيوني راحت - من نحي الهه

وامـــوتـــن بالـــجــدايـل - من احلهه

قضـيــتي وياك صـعـبـه - من احــلهه

سألت العارفه والحگ إليه

000000000

بقلمي

[محمود شاكر الهلالي]

چنت واهم بشخصك - حالمني

ولغزك وحـدي اعرفه - حلـّمـّـني

اذا شــايف يــصاحـب - حاله مني

السبب انته وغيابك عم عليه

[محمود شاكر الهلالي]

بعــد وياك ما طــالــــب - وداعي

وعــلــيك بطـيـب ما أسأل - ودعـّي

حـِله من اليوم وي شخصك - وداعي

واگــول انتهت لمـتـنه الهنيه

[محمود شاكر الهلالي]

كتبت هــواي لجلك - بسمي انه

الگضيته وياك رايح - بس ميانه

ومن هالساعه اگــلـك - بس ميانه

انتهت وياك لاتزعل عليه

[محمود شاكر الهلالي]

ســلام الله عـلـيـكـم - ياربــعـنه

اشترينه جوار وابداً - يار بعـنه

أنتهيت بساع مالك - ياربيعـنه

بعدني بعز ّ صباي وحيل بيه

[احلاهن بطة]

الله عليك وعلى هذه المجموعه الرائعه من الابوذيات
سلمت يداك ياطيب
وسلم لنا مداد قلمك المتألق
ودي وتحيتي لروعة
ماامتعتنا به هنا
تقبل مني كل الود

[محمود شاكر الهلالي]

طـيـور الغـّربت محـّد - شـلـلهه

ولاواحد ثنى رجله - شللهه

جحود البعض زادلهه - شللهه

وزاد الشلل نكران الهويه

[محمود شاكر الهلالي]

كل واحد حسب نفسه - عــزلهه

نكر غيره وعن الباقي - عزلهه

إهي الخوان مطلوبه - عازه الهه

تفك عازه وتطيب البيه أذيه