الدكتورة

حرت شكتب شعر ونتي احلى الاشعار..يموسيقى ولحن وجراس ونغام
رسمـــــــــتج عالورق والورق خجـــــلان..وكتبت اسمج وذابت حتى الاقلام
وحقـــــها اقلامــــــــنه من احروفج تذوب..لان بسمج محبه وشوك ووهام
خلاصه من الفرح ومن المــــــــــــــواويل..يشع بسمج امل لن اسمج احلام
حتى الورد لمن شـــــــــــــــــــافج ارتاح..لان جنتي بعبيرة محزمه حزام
ولان ورد الحديقه ملبسج التاج..يعني انتي ملك والباقي خدام
على عيونج سحر لا مو سحر سيف..لا مو سيف منهن تطلع اسهام
ترمي حجار عينج وبوفه نموت..حقنه انموت واحنه كلوب من جام
وحقنه انذوب كلش من نلاكيج..دم ولحم احنه قابل اصنام
اذا هو الصنم من نضرتج ماع..ومن كثر الخجل ظل هيكل عظام
الكليه تضحك من تضحكين..وباب الجامعه يدكلج تحيه
الورد ميت قهر ردو يسألوه..يكلهم عمي غير احلام هيه
الليل بكل فخر يتعنه للناس..لان بس انتي صرتيله الهويه
القاعه ترش عطر لمن تطبين..وعلى الرحلات جنج مزهريه
مشيتج روز رايز ونتي تمشين..وغيرج تجي كبالج جنها كيه
القلم لو كضه اصبعج يعزف انغام..من ساطير العصور السومريه
ويضل حتى الورق يتمايل وياه..ويغني بكل محبه وشاعريه
أكو مرضى منجيتي وهمه شافوج..كالو عمي طبنه هاي هيه
ومو بس همه طابو كالو الناس..وطابو همه والعالم ســـــــويه
وحقهم والله حقهم من يطيبون..لو صاحين معكوسه القضيه


للشاعر عدي فريد

مع تحياتي

[يحيى الحميداوي]

عدي فريد غني عن التعريف .....
شاعر مبدع لقلمه ألف تحية ......
موصولة بعطر البنفسج للشاعر المبدع .....

[عقيل كريم الشويلي]

اختيار رائع وكلمات اروع من الرائع عدي فريد لكِ تحياتي يافاتن تقبلي مروري

[شوك الشفايف]

شكرا لك فاتن .. على الاهتمام
غاليتي لك كل الود..يا رائعة ..
ولكم عمري المعذب كنواعير الهور ..
دواليب تلامس خد الماء ويصفعها الريح لتنحني اليه ياغالين احبائي..