ومضتين غزل عراقي بقلمي

[محمود شاكر الهلالي]

أوصـفـــنـّـك عـنب لو تـيــن يا ريـّان

لو تــفاح ناضج نشــتهي نحـــوشك

حلاوه انت ونقاوه وسكـّرك موزون

كــمـل كل الغـزل بشفاك ورمــوشك

0000

حــلو طـولك وشامخ دوّخ الأفكار

مثل نخل العراق وناضجه عثوگه

ما مــوجود منـّه بكــل بلاد الكون

وهنياله اليحوش الرطب ويضوگه

0000000000000

بقلمي

[عقيل كريم الشويلي]

الله الله على روعة هذه الكلمات
والله انت رائع يامحمود شكرا
لك اخي على ما طرحت وابدعت
تقبل مروري وتحياتي اخي الرائع

[محمود شاكر الهلالي]

شكرا لمرورك اخي العزيز

نورت بمرورك واطلالتك

لك أحلى تحياتي

[عادل المنصوري]

والله اذا النخله عاليه شيوصلنه خويه محمود
ههههههههههههههههه
الله يوفقك جميل جميل جداً
لكن متوقع منك كل ما هو مبهر
لك كل الشكر والتقدير

[محمود شاكر الهلالي]

اليريد الزين ويشوف الدرب مسدود

ولو گدامه شـــط ويخاف من مايه

ولازم بالنهايه ايـوچــد المعـــبار

العنده دروب سهله يوصل االغايه

000

تحياتي لك اخي عادل المنصوري

وشكرا لمرورك

[عادل المنصوري]

كَلي شلون باللي متيه المعبار
لا يركد بليله ولا طلعله انهار
ودرب ولفه عرج مزروع بالصبار
ولا عنده جناح ويلحكَـ اعلل طار

[محمود شاكر الهلالي]

كَلي شلون باللي متيه المعبار

لا يركد بليله ولا طلعله انهار
ودرب ولفه عرج مزروع بالصبار

ولا عنده جناح ويلحكَـ اعلل طار

ولأن صعبه الدروب وما الهن چـــاره

وايخــلص الــّليل عالـــديوان تســياره

السكـــوت احسن على اللي تاه معباره


ايهـّوِد يستچن ياريت وبگلبه يضم ناره

000

تحياتي لك أخي العزيز عادل

لمرورك ومداخلتك وردودك ألف تحيه

[عادل المنصوري]

ولأن صعبه الدروب وما الهن چـــاره

وايخــلص الــّليل عالـــديوان تســياره

السكـــوت احسن على اللي تاه معباره

ايهـّوِد يستچن ياريت وبگلبه يضم ناره

ضميت انه لناري وحركَت الدلال
وساكت يبو شاكر راضي اعلل حال
آنه الطحت اول هزت الغربال
فهرسني وعزلني بصفحة العذال