نســـــــــــــــــــــــــــــيتك؟
نسيتك
بلكي روحي اتحن ولو مره السواليفك
ونسيتك بيهه اصبر الروح لنهه اشتاكت الطيفك
حلم تنساك روحي وما تفكر بيك
لنك شوكها وعاداتها ابكيفك
طبع وردة وتريد الماي عذبها ابليالي اشتاك بس كونه ايعبر صيفك
تحن تسئل عليك الناس تجرحها وترد كل شوكها السيفك
تجيلك تعتنيلك تدك بابك دوم وتردها بكبح لن طيبها ايظيفك
ولا حنيت:
وعيونك خذاني الليل وشتاكيت
اذوب من المعاتب لو يجيس البال
واحجيلك عتب وبلا عتب رديت
ملت روحي كَلبي وكَلبي مل الروح
وأنت اويه النبض منك ولا مليت
امدح بيك ساعة وساعة بيها اهجيك
ساعة اتعذر وساعة ابفرح غنيت
ليلك مر عليه وما صبرت اوياك
هزني الشوك الك مشتاك واتعنيت
وك مثل الغريب احسبني لو مريت
حتى الطير من تتعب اجناحه الريح
يغفه بشجرة اهله ويوكف اعلى البيت
مو زعلان...
يالتدري الزعل من عاده الخلان
خذت حجي الشماته وصدكت بالكال
وانه الوفه البيه امن الصبر عنوان
اغطيك برمشهن لو اعيوني اتهيد
واعصر لك جفنهن لو كلت عطشان
انه الدله ابمضيفك جنت واعلى النار
اساكيك بحنيني وما تهز فنجان
تزعل عزتك تكبر تعذب الروح
ترظى وكل عذر بشفايفك خجلان
الك ذكرى وحنين وبالكلب نيشان
وابكيفك تريد اتعود لو رايد هجر لو ما تجي ابكيفك
طبع وردة وتريد الماي ورموها ابليالي اشتاك
بس كونه ايعبر صيفك.
بقلمي.
مع كل الحب..
رد مع اقتباس
رد: نســـــــــــــــــــــــــــــيتك؟
المشاركة الأصلية كتبت بواسطة محمود شاكر الهلالي
