بوس امي ياغيم

بوس امي يا غيم ونگط الماي
على جفوف الادين الكبرتني
انه احتاجيتها من محد وياي
وروحي تضايقت متحملتني
مشيت ويا الربع ما فاد ممشاي
وصرت كلمه بحلگ صاحب سكتني
بعد لا ذيج تنفع لا بعد هاي
هاي وذيج بالهم حاوطتني
شگد انطيها فنتك هاي دنياي
واكلها انطيني فنتك ما نطتني
مدابج عالمتون وسحگ بجلاي
ماطول عليكم ملختني
وگفت يم المرايا وصحت بوياي
اني بعين عيني وما شفتني
طحت بس من طحت عافتني يمناي
وخانتني يسرتي ما ساعدتني
صحت يمه وگبل ماتوصل شفاي
لگيت امي ويا صوت الاه اجتني
گالت أأأآخ يمه وبجت وياي
وصرت دموعها بس ما بجتني



للشاعر ضياء الميالي

[الكناري يونس الجبوري]

اختيارچ فاتن الابداع كل يوم يبنت الناس فيه مجننتني
على دربچ عيوني تباوع بشوگ وجبتيلي القصيده الفرحتني
وعلى امچ وامي هالحچي يلوگ وترى الام الحقيقه مدوختني
شما يكتب الشاعر يبقى مخنوگ وميوفيها إذا گال اولدتني

مروري لعيونچ يافاتن
ومداخلتي ارجو قبولها مع التقدير لجهدك المتميز
تحيتي لك

[سهام الهلالي]

اختيار حلو فاتن تسلم اياديك ودوام ابداعك

[الشيخ ابوحيدر]

تحياتي لك وللاخ الشاعر
الميالي قصيده رائعه وختيار
موفق دمتي بالف خير يالغاليه

[شاكر الهلالي]

تستاهل الام كل ما كتب عنها

شكرا لك اختي الكريمه فاتن

وتحياتي للشاعر الميالي 0

تحياتي لكم يااحبائي وشمااكول قليل بحقكم لانكم مبدعون ولاصل لابداعاتكم جزيل الشكر والامتنان لمروركم ولتعليقاتكم الجميله الله لايحرمني منكم مع حبي للجميع

[شوك الشفايف]

شكرا لك اخت فاتن هي الام الرائعة
هي العراقية الطيبة ..شكرا لك ..شوك.

[عقيل كريم الشويلي]

شكرا لهذا الاختيار الجميل والراقي
حقآ انتي مبدعة في هذه الاختيارات
الرقيقة والعذبة تقبلي مروري وتحياتي