خوه وردتهه صدك والصوج بالعشاب

[شاكر الهلالي]

خوه وردتهه صدگ وبدون أي عــتاب
-

ودرب العدل بالوفه يفـتح لي مية باب
-

نحچي ونگول ونحب ومسامر الاحباب
-

لاتظن مني الزعل والزاعــلك طـلا ّب
-

طالبت بمودتك ثاري العـتب خــنـيـاب
-

طگ وغـُـمـر خاطـرك متجاهل الاسباب
-

كلشي احسبتله عدل وخليت خط حساب
-

وتــدري الزعـل بالشعر تتـداوله الكتـّاب
-

أدريك ما تنگــحــم شاعــر خــلق وآداب
-

ومن گلت كلمه ورحت مكفرت باي كتاب
-

مـفـروش بـيـتي الـك حــي لـمـة الأحـبـاب
-

جبور وكعب خل تجي وفرطوس وي عتـّاب
-

شويلات يا مرحبا وكلمن يجـــي بترحاب
-

دار الأهل واسعه عـــباده أصل وانجاب
-

اتمرحب الكل من يجي من الباب للمحراب
-

كل لحظه مية هلا ونسأل على اللي غاب
-

ما جبت كل العرب اطــياب ولـد اطـــياب
-

يفضون كل الزعل والصــوچ بالعشـّاب

000

وحاضرين مع أطيب تحياتي 0

[الشيخ ابوحيدر]

ممنون واني راح ارد بمايرضيك
وراح انزل قصيده بعد ماانهي عملي
واجيبلك كل الردتهم شلع
تقبل مروري المؤقت
تحياتي

[عباس الفرطوسي]

( يالله خل نحضّر روحنه للسفره مازال بكره عطله ووراها جمعه وسبت ) بعد ان علمت ان الاخ المقصود بقصيدة الشيخ ابو حيدر هو العزيز شاكر الهلالي ادركت ان هناك مزيداً من الألفه والمحبه والأخوه والصداقه فالاثنان يمتلكان من الخلق والحب مالا يحمله الوصف ... الف تحيه للاعزاء شاكر الهلالي والغالي ابو حيدر

[الكناري يونس الجبوري]

شاكر يمحبوب الگلــــب ما جينا حتى نخدعك

جيناك اخوه لربعتــك ...ارضـى وفرحنا معك

يالزاچي واخلاقك عســل نعرف الطيبه منبعك

يهلالي منك نطلـــب العفــــو الجمـيل ونرفعك

فوگ الاكتاف وعالخشم انت وابوك ومرجعك

حياك خال وابن اخت بس انتـــه تامر بصبعك

تلگانه كل احنـــا زلم وحــــزام ظهـر ونمنعك

وتبقى منيع انته وعلم طيـب وطاهر مرضعك

مانرضى والله يالغـلا لو صار اظفرك يوجعك

الراس انته والجســــــد احنا يغالــــــي نشفِعك

وهذا ابو حيـــــدر جاهـز لكل ما تريده وتطلبه

واحنا معاه اخـــوه واهــــل ونريد كلنا نسمعك

ونريد شــــــعرك لو صدح كل البلابل تستحي

ونريد وبســــرعه تجي وتجيب شعرك رائعك

مبخوت يا شــــاكر ترى كلمــــــن يقدّر اخوته

وذول احنا كلنا گلوبنـــــا تنظر عليـك تطالعك

شاكر يمحبوب الگلــــب ما جينا حتى نخدعك


الزعل ممنوع
ارتجال لعيون شاكر الهلالي وابو حيدر
مع التقدير


الكناري
يونس الجبوري
24/11/2010

يقول العرب
ان الديـــــةَ عند الكرام الاعتذار
لذالك انت اهل الكرام والجود
وبارك الله بيكم جميعا
وصح السان الجميع قصائد تهز الوجدان
تحياتي لكم مع التقدير

[توم الحزين]

قصيده رائعه واضحة المعنى والمقصد يسلمو لجهدك

شكرا للابيات الرائعة والنفس الجميل ننتظر جديد اخ شاكر