الى صديقي 000 كاظم الركابي
تعال اهنا 00 شيل ارموشك ابعيني
وفتح ورقه بيضه 00 وبتدي امناول
تعال وهاي كل اوراق عمري الصوفراها الليل
ماذبها خريف ولا ابسن منجل
اتصفحني
ماتلكاني بس جلمات
تعبها الزمان ولونها اتحول
يالشايل حلات الناس 00
خليني اعله بالك لو ردت ترحل
مر بيه مثل خيط الفجر 00
ماحجبته اغيوم الشته 000 وحتى الشمس تزعل
مر بيه نهر شايل فرح جرفين 00
لاغث سمجته ولا غرك المشتل
انشدني عليك انشدني 00 كلي وروح
ومسح فوك روحي وعمري الجروح
انه ابلياك من رفكة عمر وشل
خليتك ظميري ومن يجيني الغيض
ما أنخه الجفن لو دمعه يتوسل
وتسابك تعب لو عانداني الريح
ما أنطي الظهر00 أنحر عليه مكبل
هيه الروح من تتوسط الزردوم
تحب درب المنايه ولا تحب تنذل
أنه ابلياك صوت ومن يغثني الليل
أغمض من أمر ابظلمه وتوكل
________________
(( منقــــول / للشاعر عادل العضاض ))
تنبيه ثاني / نرجوا كتابة كلمة منقول للأمانة الأدبية ومنعا للحذف لاحقا ً