يا صاحبي++++الاهداء لجميع الاعضاء
والروح بيك اتعلكت اجبرهه غيرك ما تود
وجربت كلشي بغربتك كلت اويه غيرك انسعد
لني بطرك هيمه ورمل وسنين يبسهه البرد
يا صاحبي من طيبتك خايف عليك من البعد
خايف زرع حبك لحك والوادم اخلافي اتحصد
شمدريك بحوالي شجره ما زال عنك مبتعد
بس هم يلاكينه الزمن واشرح عذابك من ارد
سنك دلالك ضحكتك شاتلهن براس العكد
راضي بخساراتي الجزن بس اخسرك ما مستعد
والباقي من عمري الك منذور الك روح وجبد
يمكاسر بطيبه وحسن والناس ليامك تعد
يا ورده فززهه الصبح والدايرك شوج وعرد
خايف انه يا صاحبي بالغربه مخطور الورد
لنك مثل طبع الثلج والصيف بطباعه جلد
يا صاحبي هم تعتقد ايامنه الراحت ترد
حته نطوف المستحه ونصلي ركعات الحمد
يا صاحبي غشني الوكت وهروشي طاحلهن مرد
وما ضل كتر يعتب علي خميتهن شام ونجد خميتهن شام ونجد
منقول
القصيده
للشاعر جبار العبادي
رد مع اقتباس