الاشتياق
من تكتب على الحيطان مشتاق
لاتكتب على الاوراق ناسي
ولو مرك حزن با لروح فد يوم
تعرف حيل انت وياي قاسي
ناسي ونستك ايام الفراك
وبفراكك شيب انترس راسي
من تفتح اعيونك على الشيبات
ترى شيبك ترس لذة احساسي
يشجرة ياس ربيتها من اسنين
اتاني اهواي شو مايطك ياسي
اذا كاسك خمر لتشربه ودوخ
شربت اشكثر من كاسك وكاسي
تدري اشوكت بيه احساسك ايكون
من تشهك انفاسك بلا انفاسي
اجراسك تدك بس يوم الافراح
وانه بصوت الحزن دكت اجراسي
يلساسك رمل وتهدمه الامواج
ماريد الگلب يمك يبقى راسي
مثل طبع السفينه تعاند الروج
وانت تريد نرجع للمراسي
الشاعر
عقيل كريم الشويلي
19-11-2010
رد مع اقتباس