حرت مدري شوصفك حيرتني وياك

[الشيخ ابوحيدر]

حرت مدري شوصفك دوختني وياك
اوصفنك شمس لوضوه الـگَمريـــــــه

أذا گَلك شمس شوتطلع بنص ليــــــل
وبنص النهار مشعشع بضيــــــــــــــه

واذا گولن گَمر شنهي الحراره البــيك
نهارك من طلع گَمت اگـَعد بفيــــــــــه

أذاً لاشمس انته ولاگمر تنـقـــــــــاس
شاعرتيهتني بنص قوافيـــــــــــــــــه

اوصفنك نهر وجروف صارت بيــــك
لوانت جرف چـانام وي ميــــــــــــــه

أذاً لاجرف انته ولانهر تنـگـــــــــــــَال
لان وصفك چبير بكل معانيـــــــــــــــه

اصورعسل وتراب مامش بيـــــــــــــه
ونقاوت عسل صافي و ميه بالميــــــه

بس لوعسل انت چـان هم تنضــــــــاگ
نشريك ونضوگ بليه منـــــــــــــــــيه

أذن انتي ملاك بصورة الانســـــــــان
ربـﭿ نزلـﭿ بس انتي حوريـــــــــــــــه

يالـچـنـﭿ ورد متمالح ويالـگـــــــــــَاع
ملح الـگـَاع ذاب بهوى الحنيــــــــــــه

صغتلـﭿ عمري كله گـلاده فوكَ الجيــد
وحط باقي العمر بالاذن ترچيـــــــــــــه

اجيـچ ازحف زحوف مسودن يـگـولون
وصيرن سالفه وحـچـايه محـچـيــــــــه

ردت شمت گـَعودچ ماانام الليـــــــــــــل
وعيش العمر احلم كله باقيـــــــــــــــــه

يالعشت بدليلي وانه گَول بعيــــــــــــد
وحسن عني تبعد سنه ضوئيـــــــــــــه

أذاً بس گلي ها يشلون احلها ويـــاك
راح انه اروح وانته ضل بيــــــــــــه

بقلمي الشيخ ابوحيدر الشويلي

18|11|2010

[الكناري يونس الجبوري]

الله عليك اخوي الغالي وعلى ابداعك وعلى حرفك الراقي
تصوير بديع بديع بديع جدا
فن ومهاره وقافيه مميزه
قصيدة حوت الابداع كله حتى باتت تسحر وتبهر العقول
كيف لا وهي خطتها انامل شاعرنا الكبير ابو حيدر
دمت اخي ودام لنا تميزك
تقبل مروري المتواضع
احلى تقييم
تحيتي لك

[سهام الهلالي]

تنساب الكلمات كانسياب الماء

احسنت جناب الشيخ ابو حيدر

عالقصيده الغزليه الرائعه

اتمنى لك دوام الابداع مع تحياتي

[هدار سامي شياع المنصوري]

جناب الشيخ الغالي
لك احلى السلام
احبك ياحبيب الروح دومك حافظ اودادي
تلميذ ابدرس حبك فدوه ارحمني يستادي
حبك ثبت بالدلال لمن جنت بمهادي
مااتحمل افراكه يربي انطيني امرادي
احبك واحب اعيونك الحلوات
وحك الله وعلي الهادي
شكرا لك جناب الشيخ وتقبل مروري

[هد250]

جناب الشيخ ليس بغريب
ان تنطق بالابداع فانت الابداع
بعينه وكل ماتقوله هو الابداع لك ولجميل
هذا الابداع اقف وانحني واصفق حتى ترضى
تحياتي ايها المبدع دام
نبض قلمك الراقي
عمي الشيخ
تحيااااااااااااااااااااااااااااااااااااااااتي

[حسن ابوحيدر]

لك ولقلمك كل
الحب لوحه فنيه رائعه
خطتها يد فنان
تحياتي ابن العم

[نازك]

غزل جميل تحياتي
وخالص احترامي لهذا
القلم المميز شكراً لك ياشيخ
تحياااااااااااااااااااااااااااااتي

شكراً لكلماتك الجميلة...

وتوصيفاتك الرقيقة...
امنياتي لك بمزيد من التألق...
تقبل مني صادق الامنيات...

تحياتي...