لان وجهك كمر يعكس بخدك نور
كوه تريد اشوفك صعبة ما اكدر
شفت قوس الشمس نازل يبوس الكاع
لان شافك عليها تخيل المنظر
ولان طولك وحسنك والجمال البيك
يختصرا ملاك وبيك يتصور
تتصفن الناس ابوجهك من تفوت
الركز بيك زايد يذبل او يخدر
والمر بيك صدفة و مادره انت اهنا
الكاع الجوه رجله تكوم تتعثر
اذا تمشي وي طولك تمشي الاسعافات
ودوريات شرطه ويانه تتحضر
مرض مزمن جمالك صار عند الناس
يطيح عشرة عشرة ابنوبة السكر
كاتلني بجمالك بس أفكر بيك
اشرد عيوني منك كلبي يتفكر
ملاك العيد جنك وأحلى من العيد
وحتى العيد بيك يعيد ويظهر
منقول
للامانة الادبيه ومنعا للحذف يرجى اخي ايليا كتابة منقول مستقبلا
تحيتي لك
رد مع اقتباس
المشاركة الأصلية كتبت بواسطة الكناري يونس الجبوري
