هديتي للاخ ابو حيدر وللجميع الا واحد

[الكناري يونس الجبوري]

هديتي للاخ ابو حيدر ولجميع اعضاء منتديات الفرات الا واحد يعرف نفسه وهو من تنطبق عليه قصيدتي


يبو حيــــــــــــدر يغالـــــي نعرف الدين
ونوفي لو أچلنـــــــــا يصيــــــر گيصوم

تعلمنا نـــــــــــرد الصـــــــــــاع صاعين
وميهمنـــــــــا كـــــــــلام زغـــار لملوم

الوصولي دائمـــــــــاً تلگــــــــاه نصين
الحلو ليفــــــوگ والمـــرّ جـــوه الهدوم

بس گلّـــــي يجيــب الفهـــــم من وين
اكلمه بكـــــــــل أدب ثاريـــــه مسموم

مو موضـــــــــوع واحـــــــــد نزّل اثنين
وانا اعتبره طفـــل هالحيــــــن مفطوم

لا اخشــــــــاه لكن هلــــــــي الطيبين
گالولي تريــــــــث فيـــــــــــــه معدوم

نخلي الزين فوگ من الحچـــي الشين
وأظن بهالقصيـــــده صــــــــــار معلوم

اذا الجبوري يســــــكت جاكـــــم البين
شلون اســــكت وانا للحيـــــن مظلوم

واذا عافونـــــي اهلـــــــــي بين نارين
انا ثاري اطلعـــــــــه وانـــــت محشوم

وابو الغيث بحكمتـــــــــه يفــوق الفين
ولتصــــــــدگ ابد هالحالـــــــــــه تدوم

يبو حيــــــــــــدر يغالـــــي نعرف الدين
ونوفي لو أچلنـــــــــا يصيــــــر گيصوم










يونس الجبوري
31/10/2010

ارتجال لعيون ابو حيدر

[الشيخ ابوحيدر]

بكل كلمه كلتها ثلث تنعام
من اصلك ولك ثارات وعلوم


ياأصل المرجله والغثه مانام
والينقص افعالك ياكله الوم

طبع بيك السماحه وانت كَدام
وليهمك كلام شويه لملوم


ارتجال يالغالي
انشاء الله الحكمه ستحل
كل المشكلات
بس القصيده ابهمتها يالغالي
وضحها شويه حتى ياكل المقسوم

[الكناري يونس الجبوري]

بكل كلمه كلتها ثلث تنعام
من اصلك ولك ثارات وعلوم


ياأصل المرجله والغثه مانام
والينقص افعالك ياكله الوم

طبع بيك السماحه وانت كَدام
وليهمك كلام شويه لملوم


ارتجال يالغالي
انشاء الله الحكمه ستحل
كل المشكلات
بس القصيده ابهمتها يالغالي
وضحها شويه حتى ياكل المقسوم

خل العسل ظاهر عاد يا خوي
ميصير العسل وي ريحة الثوم

واذا خمسين عام انوب جدام
نجيه بليل ياكل خوش مقسوم

نلمح كما لمح لنا وهذا من حقه علينا الشهادة لله كلامه كله مبطن وكذلك قصيدتي لكنه بالتأكيد لما يشوفها سيفقد صبره وسينكشف امام الجميع
صبرا يا ابو حيدر
وشكرا للمرور اخي الكريم

[الشيخ ابوحيدر]

[quote=الكناري يونس الجبوري;988919]

خل العسل ظاهر عاد يا خوي
ميصير العسل وي ريحة الثوم

واذا خمسين عام انوب جدام
نجيه بليل ياكل خوش مقسوم

نلمح كما لمح لنا وهذا من حقه علينا الشهادة لله كلامه كله مبطن وكذلك قصيدتي لكنه بالتأكيد لما يشوفها سيفقد صبره وسينكشف امام الجميع
صبرا يا ابو حيدر
وشكرا للمرور اخي الكريم


صدكَ خويه اخلي المنتدى يصيح
بس بأسم يونس ابو ذنون


لان اسمك علم مابيه كل قيح
ويناطح سمانه وينطح الكون

اليصم عيونه هذا اليوم هب ريح
ولاهمني كلامه وياليكَولون


المهم يعرف الشاعر هذا تصحيح
ويعدل السفينه لليبحرون


وضل اكتب شعر مابيه تجريح
وانت تكَلي كافي وخل يولون



وصدكني الغلط من عينه يطيح
وماتبقاله قيمه وهمه يدرون




الى ان انت تكَلي كافي
يالله اوكَف الجبوري
تحياتي يالغالي

[أنثى شرقية]

قصيدة رائعه وسطور تحمل من المعنى الواضح
والعتب
والحكمة في الحرف والاداء

ويستاهل الجميع تلك الهدية

دوما مبدع وابدااا


عاش نبضك ودام حرفك بين ربوع الفرات
ياكناري الفرات

تحياتي

[الكناري يونس الجبوري]

[QUOTE=الشيخ ابوحيدر;988928]

خل العسل ظاهر عاد يا خوي
ميصير العسل وي ريحة الثوم

واذا خمسين عام انوب جدام
نجيه بليل ياكل خوش مقسوم

نلمح كما لمح لنا وهذا من حقه علينا الشهادة لله كلامه كله مبطن وكذلك قصيدتي لكنه بالتأكيد لما يشوفها سيفقد صبره وسينكشف امام الجميع
صبرا يا ابو حيدر
وشكرا للمرور اخي الكريم


صدكَ خويه اخلي المنتدى يصيح
بس بأسم يونس ابو ذنون


لان اسمك علم مابيه كل قيح
ويناطح سمانه وينطح الكون

اليصم عيونه هذا اليوم هب ريح
ولاهمني كلامه وياليكَولون


المهم يعرف الشاعر هذا تصحيح
ويعدل السفينه لليبحرون


وضل اكتب شعر مابيه تجريح
وانت تكَلي كافي وخل يولون



وصدكني الغلط من عينه يطيح
وماتبقاله قيمه وهمه يدرون




الى ان انت تكَلي كافي
يالله اوكَف الجبوري
تحياتي يالغالي

كافي يا ابو حيدر كفيت ووفيت والنعم منك
لم اقصد التجريح ولكن ليفهم اني اكبر مما يرى نفسه بكثير
وان اخلاقي تبقى كما هي لاتتلون بتلون المصالح كماهو حاله
اللهم لك الحمد
شكرا لك اخوي ابو حيدر ما گصرت
تحيتي لك

[الكناري يونس الجبوري]

قصيدة رائعه وسطور تحمل من المعنى الواضح
والعتب
والحكمة في الحرف والاداء

ويستاهل الجميع تلك الهدية

دوما مبدع وابدااا


عاش نبضك ودام حرفك بين ربوع الفرات
ياكناري الفرات

تحياتي

عيون المنتدى
عيون كل عراقي شريف
عيون يونس الجبوري
وعيون كل شاعر يأبى الذل
عيون المهى
اختي وبعد شيبي حلومه
شكرا لك على المرور الرائع غاليتنا
والنعم منچ ومن اصلچ
تحيتي الچ

[يحيى الحميداوي]

اليريد ايلوح نخلك خله شيلوح
ييونس انت فوك الفوك موجود
عالي وعزتك ما الها مقياس
يبو طبع اليفيض الطيب والجود
ميهمك كلام القيل والقال
ولالعب الزغار المالهم عود
شاعر انت شاعرواليمر بيك
الف كلمه التمره وبيك كل زود
يطيب انا اخوك وكول شتريد
على راسي اجيك وكلكم اشهود

الطيب شاعرنا المبدع دمت متالقا قصيدة ارتجاليه مهدات مني لك مع ودي اخوك الشاعر يحيى الحميداوي