ياحسافه وياك تعبي ضاع وبلحظة نسيته!

[الشاعر جلال البطاط]

((ياحسافة))

ياحسافه وياك تعبي

ضاع وبلحظة نسيته!

ياحسافة كاس دمعي؟

اشكثر لميتة وجفيتة!

يلي حبك حلم يقظة!

وانيّ بالروح اشتريته..

ويلي طبعك من كَـزاز

وانجرح لو شابكَيتة..

ويلي حبك من سراب!

وانيّ عطشان واجيتة..

يالذبحت أشعاري بيدك

واحركَت حرفي وهويته!

يالزرعتك وسط روحي!

وبس دمع تالي حويته..

ترستلك جفي كَمرة؟

وانته بجفوفك طفيتة!

ثاري دربك من ضباب

وانيّ ما ادري ومشيته!

لا تظن عطشانة روحي

وبس نبع مايك رويته؟

ولا تِحَسب هذا كَلبي؟

ينتهي لو فاركَيتة؟

روح عني ما أريدك!

كل اثر حبك محيتة!

اعتبرتك ماضي اسود!

فات..وتعده..ونسيته!!

************

مع تحياتي

الشاعــر

جلال البطاط

غير مبروء ذمة من يقوم بالنقل دون ذكر الاسم

[الكناري يونس الجبوري]

ليش ليش ليش ليش ليش ليش ليش
تعال احچيلي شبيها وياك الحبيبه
هاااا

شبيها وياك الحبيبه
حبها ما اصدگ نسيته
وچني اشوفك يا جلال
حبها بس انت الحويته
وچني اشوفك يا جلال
محصن باسوار بيته


كافي ماريد الح عليك
رفقا بالقوارير
تحيتي لك


يونس الحبوري

ياحسافه وياك تعبي

ضاع وبلحظة نسيته!

ياحسافة كاس دمعي؟

اشكثر لميتة وجفيتة!

يلي حبك حلم يقظة!

وانيّ بالروح اشتريته..

ويلي طبعك من كَـزاز

وانجرح لو شابكَيتة..

ويلي حبك من سراب!

وانيّ عطشان واجيتة..

يالذبحت أشعاري بيدك

واحركَت حرفي وهويته!

الله الله الله يااخويه جلال الشاعر المبدع كلمات واحساس في قمة الروعة وفعلا كلمات على الجرح الله لايحرمنا من ابداعاتك تقبل مروري مع تحياتي

[السومري71]

اخي العزيز جلال
قصيدة رائعه على الرغم ما فيها
من لحظات الم وندم وشوق
اخي تمتلك اسلوب جميل وخفيف الظل
وصور جميله ترسمها بريشة فنان مقتدر
امنياتي ان يستمر هذا البوح الشجي في ربوع الفرات
ننتظر كل جديد من نتاجك
تحياتي

[الشاعر جلال البطاط]

ليش ليش ليش ليش ليش ليش ليش
تعال احچيلي شبيها وياك الحبيبه
هاااا

شبيها وياك الحبيبه
حبها ما اصدگ نسيته
وچني اشوفك يا جلال
حبها بس انت الحويته
وچني اشوفك يا جلال
محصن باسوار بيته


كافي ماريد الح عليك
رفقا بالقوارير
تحيتي لك


يونس الحبوري

ردك انتة يا كناري
طيب اجروح الي بيهّ!
وردك انتة ياكناري
هيج اجروحي عليهّ؟
انتة كولي شلون انسة؟؟
وهية صارتلي المنية؟
ياحبيبي ياكناري خلي ابقة!
وخلي الوج بوحدي اني!!
واكتم بعلتي الخفية!!


تحياتي الك شاعرنا الرائع وتسلملي ع المرور والمداخلة الرائعة.

[الشاعر جلال البطاط]

ياحسافه وياك تعبي

ضاع وبلحظة نسيته!

ياحسافة كاس دمعي؟

اشكثر لميتة وجفيتة!

يلي حبك حلم يقظة!

وانيّ بالروح اشتريته..

ويلي طبعك من كَـزاز

وانجرح لو شابكَيتة..

ويلي حبك من سراب!

وانيّ عطشان واجيتة..

يالذبحت أشعاري بيدك

واحركَت حرفي وهويته!

الله الله الله يااخويه جلال الشاعر المبدع كلمات واحساس في قمة الروعة وفعلا كلمات على الجرح الله لايحرمنا من ابداعاتك تقبل مروري مع تحياتي

تسلميلي غاليتي فاتن ع المرور العطر....نورتينا يامبدعة..تحياتي لكِ يارائعة.

[الشاعر جلال البطاط]

اخي العزيز جلال
قصيدة رائعه على الرغم ما فيها
من لحظات الم وندم وشوق
اخي تمتلك اسلوب جميل وخفيف الظل
وصور جميله ترسمها بريشة فنان مقتدر
امنياتي ان يستمر هذا البوح الشجي في ربوع الفرات
ننتظر كل جديد من نتاجك
تحياتي

تسلملي حبيبي السومري ع المرور العطر والرد الجميل....تحياتي الك يامبدع.

[الشاعر جلال البطاط]

تحياتي للجميع على مرورهم البديع