الى من احبها ...واليكم
(شفتك باحلم)
...................
جان من البدايه تكلي ليش اتطول....
سالفتي بصبر وتطول سالفــــــتك
جان من البدايه بروحة الآيمـــــيل ....
لا أنت الضفتني ولا انه الضــــــفتك
جان بكلمه وحده وينتهي الموضوع...
وجان من البدايه بلا دمع عفـــــــتك
ظميــــــتك جرح تلجمني وآنه ارتاح...
شك شكيت كلبي وماكمت رفـــــتك
كعبه بروحي طيفك حاطه وكل عام...
امشي بكل خشوع وكل خجل طفتك
أنه ماشــايفك بس ادري بيك حليو...
من كد ما احبك بالحلم شفــــــــــــتك
من ذوقك أراهن على اوصافك هاي...
وسمع ياحبيبي اشلون وصـفــــــــتك
عينك نهر دجله خدودك كلوبات..
خشمك نفس خشمك شفتك شفتك
طولك خيزران ومشيتك ميزان...
جفه تشيل جفه وتنفرز جفـــــــــتك
خصرك سير ساعه وصدرك مرايات...
هنيال العبايه بوفه ملفلفــــــــــــتك
قطعة بسكويت امن اقل مطرة تذوب...
ولهذا السبب بالككو غلفـــــــــــــتك
شفتك بالحلم والهالسبب كل ساع...
ابوس عيوني جي بالنوم شايفــــتك
مدري شكد كشختك ظال بيهه اتصوغ..
جن ذبة كذلتك سنه مكلفــــــــتك
مو شاعر جنت بس صرت ابو النواس...
كابلتك سنه وديوان ألفـــــــــــــتك.
مع كل احترامي ..بقلمي.
رد مع اقتباس
