ضرير

..

ضرير
بس من حقي احب
انسان عندي روح وكلب
المشاعر نفس المشاعر بيني وبينك
اني احس بوجودك وانته تشوف ابعينك
مثلك افرح مثلك اضحك
مثلك احزن ودموعي تصب
..
ضرير
هذا هوا قدري
مو بيدي امري
مؤمن بامر الله ينورلي روحي نور
مؤمن بامر الله اعبر ظلام البحور
ومو كل البشر تملك مثل صبري
..
ضرير
لكن..افكاري دافئه جميله
وعواطفي شفافه نبيله
دوم تلكاني مبتسم
وصادق في كلامي
ما افرق من اسلم
للناس كلها سلامي
هذا طبعي ما اعرف الحيله
..
ضرير
تكفيني عصاتي وهى دلليل الضرير
احلامي بسيطه مثل احلام العصافير
اثق بكل الناس وانطيها ايدي
يوم الاصادف صديق يصير عيدي
يكفيني امشي وياه
ما اطمع اطير
ضرير


ملاحظة:
يرجى كتابة كلمة منقول للامانة الادبية

القصيدة للشاعر المعروف
حكمت البيداري
بغداد 1998

[الشيخ ابوحيدر]

روعه هذه المشاعر
الله لايحرمنا هل مداد
المتدفق

[أنثى شرقية]

انتقاء مميز لتلك القصيدة المعبرة عن واقع حال الضرير
تحياتي

[عراقيه غيوره]

تسلمين على هذا النقل الرائع
عاش لسان شعرنا
ننتظر جديدك القادم
تحياتي لكي

[الكناري يونس الجبوري]

نقل مميز ورائع عاشت ايدك اختي الكريمه
ونرجو ملاحظة تعليق الاخت عيون المهى اثناء تعديل المشاركه وعلى الجميع الالتزام بالامانة الادبيه منعا للحذف مع تقديري لجهدك الرائع وانتقائك الاروع
تحيتي لك