يعني اني كظيت الشمس
والعين ذبلة ياخلكَ من السهر
ومن خفته لصدكَبجدمه تحس
يعني انه كظيت الشمس
كَلي الك مشتاق ياروحي انه
مايدري كل لحظه تمر عندي سنه
ومجابرويالروح خايف لايحس
يعني انه كظيت الشمس
كَمت امسح بأيدي عركَ من وجنته
وردت الحس الصافي عسل من شفته
كَلي حبيبي هنانه ممنوع المس
يعني انه كظيت الشمس
وخدوده تظوي تكَول عبالك كَمر
ومن شفته كَلبي بنارعطابه نجمر
شاورني بهداي انه حبك بالهمس
يعني انه كظيت الشمس
ومن طبكَن شفافي طبكَ وي شفته
وتنهيده طلعت منه كَلبي فتته
وبهيج حاله وانت قيس
يعني انه كظيت الشمس
يسألني كَلي شبيك شوصافن شكو
عود ارد كَله ماكوشيء كتله الو
لمن ضحك ميت طحت من صيد امس
يعني انه كظيت الشمس
ولن كل الي شفته ياخلكَ طلع حلم
وماردت افز منل حلم خاف انصدم
يعني بعيد منل شمس يعني بعيد منل لمس
يعني انه ماحاظر درس
غايب مسجل عمري خلصته
نحس
بقلمي الشيخ ابوحيدر
5|9|2010
رد مع اقتباس
رد: يعني اني كظيت الشمس
