ايه الوفه
حَمَد غربل إصحابك موطويل اليوم
صحبان الصدك وكت الشدد تبرز
حَمَد عزك ضحه والفي جريب إيروح
وإيبين عكبهه الرافكك علعز
مو عيب اليعوز الثوب والماعون
بس بزمورهن فشله الوفي تعوّز
لاتاخذ صديج متاني حيهم يوم
مايفزعلك أمن يبقه متمهمز
صديجك ياحَمَد من تعمه بيه تشوف
تحز نحره لجن ماراح صدره إيحز
صحبان الضحك ياحَمَد جذابين
من تلتفت عينك عينهم تغمز
وخاف إبين اديهم تغفه ويصفكون
ولاجف اليعين ولاعكبهه إتفز
دكات الزمن بالعبر كلهه تهون
وتظل دكة صديجك بالكلب تنغز
وجروح المخزنه إيبوكهه النسيان
وخدشات الوفه إظّل تدي وتفرز
حَمَد ثوب الوفه مارهم غير الخام
خم عن خامته ومو تيه من إجز
جزهم ياحَمَد مادام يمك راك
غطات الغميجه الروح منهه إجز
لم وجهك عليهم حَمَد بالتمثيل
ترى مغشوشهم الكاع حدره إتنز
بجفوفك حَمَد الكاع طكهه وكوم
حته الذهب ذله البيه متعكز
حَمَد لاجن صديجك موش كمعة ماي
تمضمض مبسمك ونوب منه تبز
حَمَد واقبل بعذره الغلط مره وياك
والبزك حَمَد موهم جبدته إتبز
فرزن بلخلك واهوه انضف الدلال
وعله صاحب الغيره ياحَمَد ركز
ساعات التعوز إصحاب حبل ثكال
يرك الشوف بيهن بالندم تنكز
وكنز المال يغدر بالليالي السود
إلهن ياحَمَد صدكان حوك إكنز
منقوول
رد مع اقتباس
