اجاني العيد ، وعيونك بعيدات بخت غيري صفن والصار مقسوم

[albaghdadyia]

اجاني العيد ، وعيونك بعيدات
بخت غيري صفن والصار مقسوم
عايدت الصور ، بست المكاتيب
او طلعت الهدايا او كلشي مضموم
الگلب ذاك الگلب ، مابدّله الحال
الجديدات العليِ بس ذني الهدوم
ابهذا العيد اجتني اتعايد الناس
تمنيتك تجيني بلحظة وتگوم
روحي امغيمه روحي او صار سنتين
ما تمطر بروحي اشبيها الغيوم
فقر الحال ما يتسمّه حرمان
المفارگ حبيبه انگول محروم
ادري آنه السبب ما حسّبت زين
وادري .. انت مني هواي مهضوم
وادري عرفوا ادري بقصتي وياك
او فوگ الضيم بيك الوادم اتلوم
اجاني العيد ، وعيونك بعيدات
بخت غيري صفن والصار مقسوم
لو تدري حبيبي اشكثر مشتا گ
او لو تدري حبيبي اشكثر مهموم


ريـاض الركابي

[الكناري يونس الجبوري]

نقل مميز ورائع

[طيبة النجف]

اجاني العيد ، وعيونك بعيدات
بخت غيري صفن والصار مقسوم
عايدت الصور ، بست المكاتيب
او طلعت الهدايا او كلشي مضموم


الرائعة الاخت البغدادية
اجمل ما اخترتي
وكثيرا ما كنت ومازلت اردد هذين البيتين
من هذه القصيدة للمبدع الركابي
تحياتي وتقبلي مروري
طيوووووبة

[السومري71]

اختي العزيزة البغدادية
قصيدة حملت جراح ومعاناة قلب مشتاق الى الوصال
شكرا لحسن انتقائك
تحياتي

[شهد الاسدي]

جميل جدا جدا

تحياتي لكِ حبيبتي

وشكرا لذوقكِ الراقي