قصيدة المناجل..للشاعر .كاظم الركابي.
وشرِّع ﺇرموﺸﮎ هله للمعتني ﺇبجرحه
لولي ﻠﮔطع النفس لولي لمن يصحه
أجرحني .. يمن عتبه ﺇلك .. جرح المُحب فرحه
الليل.. موش يحصد ليله يحصد صبحه
والحصو ..موش ﺇيحصِّد روحه ﺇيحصِّد جدحه
والبحر موش ﺇيحصِّد روجه ﺇيحصِّد ملحه
الليل طال..
وبخت عنده اليروي عينه بشمس باجر
الليل بين العين لابين الجفن
أنثر ﮔﺯﺍﺯ ودار داير
الليل حاوَدْ وردتي..
وحشّم عليه الدود من كل اﻠﻤﮔابر
وصوتينه...
وصوتينه الصوت مايجزي الشفايف
يادفو البين البرد والحر ..نريدك وين صاير
يلفراتي.
ولاسمعنه ﺇبوجه روجك
يوﮔف ﺇحجار اﻠﮔناطر
أضحكلي بشفاف اﻠﮔﻤﺭ..
أضحكلك أبسن منجلي
ولاغيمة تحبس ضحكتك
ولاخاين أبتل منجلي
شديته بالشريان ..شد ويه العظم
صار العظم هو منجلي
والمنجل ﺇبجسمي عظم
واﻠﮔلب فد دﮔه يدﮒ
نوبه الك .. ونوبه ﺇلي
رد مع اقتباس
