كلمه وحده - ومضه

[سهام الهلالي]

نحچي بالطــيـبات لن بيهن حياة

الحصل الزيـــنات يتسمى أمـيــر


ولأن وحده الكلمه يطلقها الشجاع

ومن يثنـّي بعـين ربعه يظل حـقـير

-
هديتي الى الشيخ أبو حيدر

مع أطيب تحياتي 0

[الشيخ ابوحيدر]

روعه مانثرتي
لكي كل التحايا يالغاليه
واليكي ردي على الومضه الجميله
ايتها الرائعه كوني بالف خير

[طالب الناصري]

الله حلوه ياجاسوسه
ويستاهل ابو حيدر وراح
تخلينه نحسده هههههه
تحياتي لكي وللشيخ

[سهام الهلالي]

روعه مانثرتي
لكي كل التحايا يالغاليه
واليكي ردي على الومضه الجميله
ايتها الرائعه كوني بالف خير
انه عرفّه التاه شوره
نكَول هذا ابن الوصيفه

وان عرفه العوده اخضر
لوتهب نسمة هوه يموت برجيفه

وان عرفه اليزمط براس ابن عمه
متّيه وما عرف كيفه

وان عرفه الضابط بطبع النواصي
يصير خادم موبكيفه

وان أعرف الغانيات
غسلن براس القصيده بلايه ليفه

وهذا ردي ايضا ً

ما يتيه الشور بينه شما حچينه

احنه احرار بمقاصدنه الشريفه

وين چنه اوين نوصل طبع بينه

ما نذل الهامه لشتانه وخريفه

احنه ولد الملحه واولاد العراق

احرار نبقه ابقصر لو عشنه ,بصريفه

ساعة الجد احنه اهلها وساعه بينه

نكون اخوه ويه اليخاوي بكل طريفه

آه يا ذل الحياة ومن يمر تلگانه سد

ندفع الذل بسدرنه وبيدنه انگطـّع رفيفه

احنه مجد وتضحيه وعز وافتخار

واحنه رايه بچف مقاتل شال سيفه

واحنه تموز وفجر عصر النهوض

واحنه زفـــة فــرح والزفه عفيفه

واحنه گلب اللي يحب يبني الحياة

يدوس فوگ الموت ما ضمـّد نزيفه

واحنه احنه

احنه اهل ذي قار واربات الفرات

كل حرب فزنه برصاصات وقذيفه

اتلمـّع صدور الزلم ونگول حيهه

ومنه باقي وينتظر ساعات حيفه

شما نتاني يزيد صبر گلوبنه لشوق اللقاء

ويالثارات العراق بمعركه عز ونظيفه

مع تحياتي

[سهام الهلالي]

الله حلوه ياجاسوسه
ويستاهل ابو حيدر وراح
تخلينه نحسده هههههه
تحياتي لكي وللشيخ

شكرا لمرورك اخوي طالب

نورت الموضوع بمرورك