طرق التخلص من الحر
السلام عليكم ورحمة الله وبركاته
شلون الصحة ان شاء الله زينين اليوم
عندى الكم فد موضوع هادف موضوعنة اليوم طرق التخلص من الحر بسبب انخفاض درجات الحرارة الى تحت الصفر المئوى
( هي الحماوة معلكة للستار )
قررت انزل بعض الطرق للتخلص من الحرارة الزايدة
الطريقة رقم 1: حبيبي الغالى هسة انتة اكيد كاعد وماكو يمك كهرباء ( لعد شون مشغل الحاسبة وديقرة الموضوع ) تروح على ماما او ماذر او يمة او يوم بكيفك اذا جان حجمك سمول كلش (يعنى صغير كلش اخاف واحد ميفتهم عربي ) كلهة للماما اريد كلاص مي وجيت بي ( هوة اكو واحد يجيت بكلاص مي ) واذا جان حجمك بكَ كلش يعنى كبير كلش كلهة اريد طشت ( انجانة لجماعة ماما غطينى ) وجيت بي اكيد هسة الكل تكول من وين تعلمتي هاى الطريقة ؟؟؟؟ هاى الطريقة تعلمتهة من صديقتي الى عايشة في محافظة اليابان العربية الشقيقة --------------------------------------------
الطريقة رقم 2: اختى العزيزة او اخوية العزيز ( اكو فرق ان شاء الله ) اذا ما فادتك الطريقة رقم 1 لان ما عدكم مي عندى تلكة الحل ان شاء الله بس كبل ما نبدي اريد انى اسئلك سؤال ( رحمة لهلك الكارتون مال سندباد شوكت يبدة على سبيس تون ) نرجع لموضوعنه تروح تصعد للسطح الحايط مال جيران الى على اليمنة اكيد ناصي اكمز منة وجيت بالتانكى مالهم لان هذولة ساحبين مي من الرئسي ( وانت شمدريك ؟؟؟؟؟) -------------------------------------------
الطريقة رقم 3 : اذا كتلى احنة عايشين بصحراء وماعدنة جيران هم عندى تلكة الحل ان شاء الله تروح على البراد مالكم اكيد بي بطل مي البارحة باليل بابا جابة من جا من الشغل (شنو انتة عايش وياهم ؟؟؟؟) تروح تفرغة بنجانة او بصطلة كيفك بس دير بالك اتجيت بي شنو انتة مخبل اكو واحد يجيت بسطل وتاخذ بيدك الطاسة ودير على نفسك مي بارد بس وانتة ادير مى مو تظل ساكت ( وانتي شعليج اذا سكت واذا حجة !!!) انتة ودير مى غنى ( الدنيا ربيع والجو بديع قفلي على كل المواضيع افل افل افل ) ----------------------------------------
الطريقة رقم 4: اذا كتلى ما عدكم مى وما عدكم براد وما عندكم جيران هم عندى تلكة الحل حبيب الغالى تروح كبل جفت الى غرفتك بس كبلهة تروح على ماما تكلة اريد لحاف زين وتلف راسك وتنام وكبل متنام غنى ( تفرج يا عراق وترجعلك كهربائك مشتاق للكلاص المى مالتك اريد احظن ترابك )
رد مع اقتباس
