نعرفك ماتجي .....؟
تمر وتكــــــــــــــــــول ماشفت العلامه
يتامه وننتظر جيتك واذا جيت
يبين العيد بوجــــــــــــــــــــوه اليتامه
.............
بلايه حساب جنه نسولف اوياك
السوالف تختنك مـن طـاري الحساب
واذا ردنه انتعاتب سكته مرات
الدمع يحجي الصـــدك بعيون العتاب
انتزاعل مااجت عالبال بجفاك
الزعل ماله محـــل بينه من الاعراب
نطلبك هاكثر؟ بس كلهن اطياح
وتظــل مطلـــوب النه ابجيه للباب
حته نكول اجانه وجان معذور ؟
ابوطنه احنـــه ولكــن جنه غياب
شوكت يضحك وكتنه ونفرح اوياك
وعلينه بواهسك مـن نكعد اتجـــود
عطشنه لشوفتك يالشوفتك ماي
انفطـر راك العيون وسرب الـــدود
مسحنه من السوالف جلمة الراح
وكتبنه اسمك تجينه وباجــــر تعود
وقفلناه بوجه كل (مايجي) الباب
وفتحنه لشوفتك شباج الوعـــــود
وطن صرنه لمحبتك من كلت جاي
امشرعه لجيتك خلينه الحــــــدود
ناس شكد اجت بس انت ماجيت
ونعرفك ماتجي بس كلنه موجــــود
الاجونه؟من اجو ماجابو العيد
عساهم مـــــن مشو لاردو اردود
ندور بالوجوه البارحه اعليك
وبيك اعيوننه تسولف للخـــــدود
هواي وجوه حلوه بنص الوجوه
ولان مابيهن انت نشوفهــــن سود
***
للشاعر
سعود الخفاجي
رد مع اقتباس
رد: نعرفك ماتجي .....؟
المشاركة الأصلية كتبت بواسطة زهير العقابي
