شذرة المحبس ( بقلمي )
طبعا ماتعجبك كلمة الليش
وادري يضيج خلكك لو كلتهه
وآنه شماجبرت الروح تنساك
الكه الروح بذيالك تعتهه
بدونك مااظن تشتم الانفاس
روحي ابلهفة انفاسك عفتهه
ادري يضيج خلكك بس الي وياك
عتبه وغصه مرة اتجرعتهه
من شوكه تبت من شم الورود
لان شوكة اورودك جربتهه
نبتت وسط عيني محمله ابغيض
ماطلعت بعد وتعودتهه
وعذالي اتنوع بالملامه اوياي
تكلي اشبع يطيب بالردتهه
ولان الليش تكشف عنك اذنوب
ترفض تستمعهه وارفضتهه
وجرعتك رغم حركة شفة العتاب
وكل اوراق ذنبك شككتهه
رهمت الهواجس فوك الظنون
وجثير احلام لجلك وسدتهه
دفنت احلامي لجل احلامك تعيش
وبنيت اجسور بيدك هدمتهه
ورهمت اوياك محبس فرني شتريد
وروحي ثياب لجلك فصلتهه
وتوسدت آهي ابليل الذنوب
امنتك على الشذرة وبكتهه
ومن دون الشذر محبسك شيفيد
نزعته وفكرتك توني اعرفتهه
طماع ابشذرتي وياي عشت الدور
مثلته وفنونك طبقتهه
ونزعت اثياب روحي من درت عين
والمحبس كسرته من درتهه
مكسور وصحتلك ... الله وياك
وآيات السلامه رددتهه
اخاف اعليك وانخه ربي يحميك
من شر الذنوب الواددتهه
ولان اوياك صعبه كلمة الليش ؟؟؟؟
ظل اعتابي سكته وماكلتهه
ادري يضيج خلكك لو كلتهه
***** بقلمي *****
رد مع اقتباس
رد: شذرة المحبس ( بقلمي )
رد: شذرة المحبس ( بقلمي )
المشاركة الأصلية كتبت بواسطة همسات امراة
