نعي العراقيات الحزين

[الشيخ ابوحيدر]

السلام عليكم ايهاالاخوه الاعزاء موظوعي سهل جدا ولاكنه عظيم بعظمة الام والاخت والزوجه والبنت العراقيه ولكي لااطيل على جنابكم ابدء واقول كانت ولازالت المرءه العراقيه مبدعه في عدة مجالات وللشعرالشعبي الحصه الاكبرفي الابداع ومن الذاكره اعتلى صوت المرءه العراقيه الجنوبيه في اهازيجها ونعيها وسأقف هناعندموضوع النعي او<الكولات>لنرى ابداع لانظيرله وكلمات تبكي اقسى القلوب والعيون ومن هذا الارشيف الامتناهي اذكرلكم هذهي النواعي التي ابكتني يوما حيث سمعت احدى النساء تقول وهي تنعى اخيها
اظل مكدره واليل مانام
اسمع نمنمه ومزامط عمام
كلي منين اجيبنك ياوهام
دكلي منين اجيبنك يخال ابني
اريدن يوم منك لليزامطني
امربدرهم وصيح ياويلي
مثل عود الكصب مرظوض ياحيلي
أمربدارهم ظليت حيرانه
يبجيني الولد هو وخوانه
أمربدارهم ظليت حيرانه
شلون اهل المراجل لبسوجفانه

اخواني واحبائي عندمروركم ارجومن كل من يحفظ من هذا الارشيف الجميل الايبخل علينا به
ولكم كل الحب

[ام فيصل]

نعى الميت إذا أذاع موته، واخبر به واذا ندبه
وهو النداء بموت الشخص، وذكر مآثره ومفاخره
مما يعني أن النعي عند أهل العلم منهم من يقصره على النداء بالموت، ومنهم من يدخل فيه الإخبار بالموت المقرون بمدح الميت وتعداد صفاته.
وقد اشتهر به اهل العراق وكان الاكثر شيوعا خصوصا في المناطق الجنوبية وله رنة خاصة ويغلب عليه كثرة الحزن والألم والشجن

شكرا للموضوع الجديد عزيزي واعتقد انه رغم اهميته فانه لم يتداول كثيرا في النقاشات والتوضيح ويحتاج الى مساحة كبيرة للحوار للتعرف عليه اكثر
فشكرا لك على هذه المساحة المهمة لنرى مايرفدنا به الاخوة ممن تحضرهم ابيات ( نعي ) ليزداد الموضوع إثراءا

وعذرا لك عزيزي لانه لاتحضرني ابيات نعي لأسجلها هنا في موضوعكم

لك اطيب تحياتي وشكري الجزيل

[الشيخ ابوحيدر]

الف شكرالاخت الغليه ام فيصل السباقه دائما
والف شكرللمعلومات القيمه ولشحذك همم الاخوه لاثراء
الموظوع لانه من تراثنا القديم والحديث ولانكي لم يحظرك ابيات فهذه الابيات بالنيابه عن ذاكرتك
هذامنين ابوعضلة الممجونه
اجاه الموت لفوه بكلبدونه
هذاأبن العديم المايكظونه
البصيرات جدك تلعب فنونه
حتى الميز والحاكم تربدونه
تظدون العده وراسي ترفعونه

الاخ الرائع
والمبدع دائما
الشيخ ابو حيدر
موضوع جميل جدا وله حكايات ذات شجون ولو تأخرت قليلاً لكنت انا نشرت موضوع مشابه فلقد سبقتني بطيب احساسك وبنقاوة روحك
اخي الرائع لا احب ان امر على هذا الموضوع مرور الكرام بل عندي توقفات كبيره لما يحمله هذا الموضوع من ابعاد كبيره
حيث يعد الكتابه فيه ثوره شعريه تميز في تأجيجها المرأه العراقيه صاحبة الاحساس الصادق....
تحضرني هذه الكلمات...
امرّ للدار ولكه الدار خلوانه
صفت وين الزلم الجانت ويانه
يراعي الزود اخذني وياك بس انه
حسافه اهل المراجل تلبس جفانه..
وفي مكان اخر تقف العراقيه بتقديم نصيحتها وبسلاسة كلماتها المعهوده
ليريد الشطاره يجمع الخوان
جبح طير اليطير بغير جنحان
اسمع بالفريضه اشكال ابن غيلان
اخوكم لا تعوفونه
عدوكم لا تشتمونه
حجي النسون بلله لاتسمعونه..
اخي الرائع
ابوحيدر اهنئك من كل قلبي
اختيارك الموفق لهذا الموضوع
دمت لي اخا رائعا
تمنياتي لك بالخير والسلامه
اتمنى من القراء والشعراء بشكل خاص تدوين ما يحفظوه من التراث لشعر المرأه العراقيه
الخاصه بالموضوع(النعي عند العراقييات)
اتمنى التوفيق للجميع
اخي ابو حيدر
لي عوده انشاء الله

[الشيخ ابوحيدر]

الف شكرالاخ الغالي
زهيرالعقابي دمت لنا
بالف خيروموسوعه
لااضمحلال لها
كن بخيريالغالي