أنتهت اجمل علاقه بلا وداع

انتهت أجمل علاقة إبلا وداع
جنها ما صارت ولا حبينه..
ذابت أحلام الصبا مثل الشموع
ونهدم جرفه ويبس شاطينه..
جان ظني العشرة صعبة وماتهون
واليحب يفدي اليحب ضي عينه..
أقرة بعيونج غزل وأحلى كلام
جان كَلبي لوعطش تروينه..
كَلتي أني وياك يكفينة القليل
وبيت مبني من كَصب يكفينه..
ولوبردنه أبليل لو ساعة نهار
كَلتي حبك نار ويدفينه..
لسه بخدودج اثر بوسةغرام
جنة بالملكَة نذوب اثنينه..
بعتي ذيج احلامنة وتعب السنين
جنها ما جانت علاقة أبينه!!
أنتي صح أبعيني جنتي أحلى البنات
وجنت أقدم كَلبي لو تردينه..
ثاري مخدوع اطلعت بيج وهويت
قطرة من دمعي فلا تسوينه..
أنتي طير وتايه أبنص الضباب
تالي يوكَع يسحل ابجنحينه

</B></I>

( منقول)

ارجو كتابة عبارة منقول للأمانة الأدبية ومنعا للحذف لاحقا

[السومري71]

عزيزي ايليا قصيدة جميله
فشكرا لهذا الانتقاء الجميل
ننتظر منك الجديد
تحياتي

تحياتي ايضا الى اخويه الغالي السومري

مشكور على القصيدة الروعة هذا هو الشعر العراقي الراقي
ننتظر الاجمل ولو مو قاصرة

[الشاعر جلال البطاط]

تسلملي حبيبي انتة على نقل قصيدتي هذهِ ...بس شو ماذاكر اسمي!!!!تحياتي الك ياوردة.

[طالب الناصري]

نقل رقيق لناقل ارق
شكرا لعذوبة الانتقاء
تحياتي

اسعدني مروركم وأعتذر من شاعرنه الغالي جلال البطاط لعدم ذكر اسمه