اذا انت ردت مارد يخدمك دوم
اضل انه الاخدمك طيله ايامك
واذا انت ردت للكمر فوك اتصير
بس طك اصبعك تلكاني كدامك
اولو صابك الم بس اذكر اسمي بساع
كبل مترف عيونك تشفى الامك
اولو تحتاجني بلحظه ضعف وياي
كل اعضاء جسمي اتصير خدامك
مره بحلم مزعج انت بيه مريت
اجيتك بالحلم بدلت احلامك
اخذتك بالحضن موتت كل اعداك
ما ردت ابحلم تتنكس اعلامك
وتذكر للسراب ومن تريد الماي
مي زمزم جلبته الخاطر اجدامك
سهمك من رميته للعدا ما خاب
لان انه السهم راميني بسهامك
والشعر الكتبته بليله حلوه وياك
على السيكاه نغم اتغنه بنغامك
ابهامك من بصم بكلمه شرف وياي
فدوه اتروح كل بصماتي لبهامك
احزام انه الك شدني اعله خصرك حيل
اشرايك لو صرت ماطلي بحزامك
فلم بيه مخرج انه وبطل جنت وياك
ليش اتريد غيري يخرج افلامك
الهام اشتظن عندك بدوني الهام
موشفتي اللي جانت مصدر الهامك
قلم بيدك جنت ترسمني من تشتاك
نسيت شلون كلي وكثرت اقلامك
على اركبتك اريد احزامي شده اليوم
لان انت السعيت بحكم اعدامك
مو انس الخدمتك مارد انه
وعتاب اسمعت منك مارد انه
تكلي ارجع احبك مارد انه
حبيتك عمر وغدرت بيه
الدكتور
سلام الدراجي
قصيده المارد
رد مع اقتباس
رد: قصيده المارد
المشاركة الأصلية كتبت بواسطة زهير العقابي
