انه الي باول سنيني -للزهراء صلوات الله عليها
تروح و لاتخليني -------- مابين الضلع والباب
كصدتك ياضلع وانخاك********** اشوفه مكنطره علومه
تكنطر محسن كبالي ********** عله تراب الحزن نومه
شفت ظلك يابويه يدور********** يخاطب هالضلع يومه
اصيح من الهضم وني
وبعلوم الكسر مني
خلوا عن علي بظني
ذكرتك يالنبي الما غاب *********** ذكره وعن دليلي الغاب
*******************
الحزن مسجوب بدلاله ************ هاي ام حسن هالحاله
عله ضعوني تركت سبطين********* وجريت دموع هماله
صبرت عله الظلم والجور ********* عله زمرة غدر جتاله
ونشوف الظلم والجور
ومن عدهه الضلع مكسور
للزهره ونريد انزور
اكصد للزجيه بنوح *******************من ذاك البدر طلاب
********************
انه زينب شفت ضلعين *************ضلع امي واخوي حسين
واحد منكسر بالباب ************** اواحد بالطفوف ونين
من ذاك الضلع ناديت ***************بحوافر هشمت لاوين
وياسرج المهر خالي
ذكرتك يالجنت غالي
مهشم هالضلع تالي
تهشم ضلعك الطاهر **************** تناثر وينسيم الهاب
**********************
تراكم ياحزن كلبي ***************** بفكد ضلعين حزنانه
انوح بفكدة الوليان ***************** بسنين ادهور دنيانه
قدمنا الشباب انحور **************** عزيزه وهاي وليانه
انه زينب واسمعوني
عله فكد حسين عينوني
ترى العدوان فجعوني
وينك ياعلي الكرار ***************حملت مصاب فوك مصاب
********************
عله دروب البقيع اكبور *************نناشد والكبر موصوف
ندور نحفر التربان ************ بعقائدنه الزجيه انشوف
تنادينه الخدمتوا حسين **************شفيعه والدمع مذروف
خدمتوا حسين بعيوني
بيوم الحشر تلكوني
شفيعه يالذكرتوني
بصراط وساعة المحشر ***************شفيعه بعتبة المحراب
*********************
ياحمال النعش بهداي *************** ترى الزهراء مكسوره
هاي البضعه محموله ***************ابجفوف حسين مسروره
بدروب الشهاده تسير **************عله نهج المرتضى بدوره
ياحمال النعش تاني
ضلمني الاول وثاني
ومن جرح الجرح ثاني
ياجرح اليضمد جروح ****************هاك اسمع دليلي جواب
*************************
خادمكم الكعبي
رد مع اقتباس
