ضحكني ومسحلي الدمع
ضحكني ومسحلي الدمع
وشعلك العشرة شمع
ابحبك اكليبي امتله
ثم انحت فوك الضلع
وبابك روحي زرع
ابعطفك اشلعهة شلع
يردوني اعوفك ولك
ومنك ابد ما امتنع
يدرون غيرك ما احب
لا كلبي يحن لا اقتنع
ولو غبت ليله فقط
الحكولي صحت ياربع
ومن صيحتي اتفز الخلك
وبسمه صوتي ينسمع
مطبع ونته الطبع
ارتاح وجهك من يشع
بمحبتك اني جبل
ابريح الغدر ما اندفع
يل هجرك اهواي يضرني
ويمك احس منتفع
انته العمر ونته الفرح
ونته الحزن ونته الدمع
انعيش جوة سكف
خلينه هسة ننجمع
رد مع اقتباس
